II Korintemiunut 8
8
Paulusib kaiblaininganik, ajoᴋsartunut tunijerᴋovlugit ᴋunulugatik.
1ᴋaujitipapsele, ᴋatangutikka, Gûdib saimarsautânik, tunijaumajomik illagêktunut Mazedôniame.
2Oktortauleramik kappianartunut unuktunut, angijomik ᴋuviasukput. Akludlaralloarlutik tunijivut unuktunik issumalingasuerdlutik.
3ᴋunulugatik tunijivut ajungitamingnik, kigligiutjivunga, ajungitamingnik pituinangilat, piluarput aglât.
4Inaksorpâtiguttauk ilungertudlarlutik ilaliorᴋovluta tunergumik ikajortigêgutiksamik ivjornaititaujunut ilingajomik.
5Issumavullo nelaudlugit pituinangilat; ingmingnik aglât tunerᴋârput Nâlekamut, tungâgullo uvaptingnut Gûdib pijomajanga maliklugo.
6Taimaimat Titûse kaiblalauᴋpavut, sôrlo sivorngagut pinialaurame, taimaktauᴋ akunapsingne ajungitulinermik taimaitomik nâmaksêniarᴋovlugo.
7Sôrlole tamainik akluinapse, okpernermiglo, oᴋautsiniglo, illisimanermiglo, piniatsiarnermiglo, naglingnermiglo uvaptingnut; taimaktauᴋ kamatitse ajungitulinermik tamattominga akluilerᴋovluse.
8Taimâk oᴋauseᴋangilanga, sumik perᴋojilunga; assisele taimâk piniatsiarmatta, naglingnisetauᴋ ôktutuinarpara ilungertormangât.
9Nâlegapta Jêsusib Kristûsib saimarsautâ ᴋaujimagapsiuk, akluitoᴋsôgalloardlune aklulilaungmat pivluse, akluninganut akluititauᴋovluse.
10Tamattomingalo issumaga ᴋaujijautipara. Ilipsingnut tamanna idluarmat, ilipse pigiartose achâne piniarnermik kissianeungitoᴋ, pijomanermigletauᴋ.
11Mânale tagva nâmaksiniarsiuk tunijineᴋ tamanna, sôrlolo ᴋunulaunginapse pijomanermik, taimaktauᴋ ᴋunulugase tunijititse pigijapsingnit.
12ᴋuviagijaungmat ᴋunulugane tunijijoᴋ ajungitaminik, ajortaminik pinane.
13Imâgle issumangilanga, assise oᴋititauᴋovlugit, ilipse oᴋumaitoᴋartiluse; neligêrᴋovlusele pivunga.
14Neliutome tamattomane taipkoa ajoᴋsalermatta, ikajorniarpase atorniangitapsingnit; kingorngagut ilipse ajoᴋsalerupse, taipkoa tagva atorniangitamingnit ikajoromârivâsetauᴋ, neligêktomik pijoᴋarᴋovlugo.
15Sôrlo aglaksimangmat: Unuktunik katersoilauᴋtoᴋ amiakoᴋangilaᴋ: ikituniglo katersoilauᴋtoᴋ, ajoᴋsanginivoᴋ. #Ex. 16:18.
16Gûdele ᴋujagiviktaule, Titûsib ômatâ taimâk ilungertortingmago pivluse.
17Tilijaunermik nâlatuinangilaᴋ; angijomigle ataruilidlarame, issumaminik nelipsarpâse.
18ᴋatangutiptale illangat tilivavut, aipauᴋovlugo, illagêt ilûnatik piloriktoᴋotigijangat, atutsiarmat oᴋautsinik tussarnertunik.
19Taimaituinangilaᴋ, illagêktunulletauᴋ anerimavoᴋ, illagêrᴋovluta tunergut tamanna neksaruptigo, uvaptingnut kivgartôtaujoᴋ, Nâlegaᴋ nertortauᴋovlugo, ilipselo pitsiarnise oᴋautigijauᴋovlugo.
20Udjertorpogullo, piungitomik oᴋautigijauᴋonata tunergutivaksuit tamakkoa uvaptigut katitaumajut pivlugit.
21Udjertorapta, piniarnerit idluarᴋovlugit, Nâlekab sângane kissianeungitoᴋ, inuit takoanetauᴋ.
22ᴋatangutivullo tilivavut tâpkoa illagivlugit piniarnernik ataruilidlartoᴋ unuktunik tukkisiᴋattalauᴋtavut, mânale tamattominga pinialuarivoᴋ angijomik.
23Sungertûtigivapsele angijomik: Tituselônêt pivlugo, ᴋatangutigigapko ikajortigilâllo akunapsingne; ᴋatangutivullônêt pivlugit, tâpkoa Aposteliongmatta illagêktune, Kristûsiblo nertorautigingmagit.
24Taimaimat nelonainiaritse tâpkonunga, naglingnise tukkisijauᴋovlugo illagêt takoane, nertordlernivullo ilipsingnik (tukkeᴋarᴋovlugo).
Currently Selected:
II Korintemiunut 8: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
