II Korintemiunut 7
7
Kaiblainermik ivsornainermut.
1Taimaimat taimaitomik angersimaneᴋarapta, nagliktakka, epᴋêjarniarta uvingûb tarniblo sujungninginit tamainit, nâmaksititsivalliavlutalo ivsornainermik Gûde sivôragivlugo.
2Tukkisitigut; kinalônêt idluitulivigilaungilavut, kinalônêt perᴋutailaungilavut.
3Passiluse taimâk oᴋangilanga; sivorngagut oᴋautilauᴋpapse ômatiptingnênapse, toᴋoᴋatigijomavluselo inôᴋatigijomavluselo.
4Sivôrajuimariklunga oᴋâlavigivapse, angijomik nertôtigivapse, manigortaunermik ilumertauvunga, angijoᴋsoarmik ᴋuviasuklunga, siorniorniptingne ilûnaine.
5Mazedôniamut pigapta, uvinivut inilangajungnangilaᴋ; ilûnaitigulle kappiasuktitaulauᴋpogut; ᴋaliniptigut sorsuktauvluta, iluptigut erᴋsijogut.
6Gûdible, kiksartunik manigorniktub, manigorpâtigut Titusib tikininganut.
7Tâpsomale tikininganut kissianu-ungitoᴋ, manigortaujutiksamulletauᴋ, manigorutigilauᴋtanganut pivluse, unipkautingmatigullo tussunipsingnik ᴋugviornipsingniglo ilungertornipsingniglo pivlunga, tamanna ᴋuviasûtigilualauᴋpara.
8Kiksartilauralloarapse aglamnut, ᴋakialingilanga, ᴋakialerutigilauralloarapko sivorngagut. Tukkislerâmale aglangnut taipkonunga anikitomik kiksartitaugapse,
9Tagva mâna ᴋuviasukpunga, tamanna pivlugoungitoᴋ, kiksartitaulaurapse, kiksartitauvlusele sâgiarapse; Kiksartitaugapse Gûdemut, sukutsianelônêt idluiliorvioᴋonase uvaptingnut.
10Kiksarneᴋ Gûdemit pijoᴋ ᴋaᴋialerneᴋartitsingmat piulijaunartomik, kialônêt ᴋaᴋialerutiginiangitanganik; kiksarnerle silaᴋsûb ilusingatut toᴋotitsivoᴋ.
11Tagga ahâk, Gûdemut kiksartitaugapse, tamanna sulilauᴋpoᴋ ilâ ilupsingne katsungainermik, akiornermiglo, sinaunganermiglo, erᴋsinermiglo, ᴋilanârnermiglo, ilungertornermiglo, pidlarningnermiglo; tamakkonunga tamainut nelunailivose, ilangiutilaunginapse idluitulinermik taipsominga.
12Taimaimat, aglagvigilauralloarapse, idluitulijoᴋ imna pivlugo pingitunga, (atâtangalo) idluitomik pijaunertoᴋ pivlugo pinginivungatauᴋ; ilipsingnulle nelonairᴋovlugo ilungertornivut pivluse, Gûdib takoane.
13Tamanna pivlugo manigortaulerpogut manigortaunipsingnut. Anginersamigle ᴋuviasûteᴋaluarpogut Titusib ᴋuviasungninganik; tâpsoma anerninga nakoᴋsijaungmat ilûnase pivluse.
14Tâpsomunga oᴋautigilaurapse nertorluse, (tamanna) kangusûtigingilara; sôrlole oᴋausikka ilûnatik ilipsingnut mikseᴋârtôngmatta, taimaktauᴋ mikseᴋârtôgivoᴋ nertordlernivut ilipsingnik Titûsemut.
15Tâpsomalo angijomik ômamut nagligivâse, ilûnase nâlengnipsingnik erᴋaigangame, sivôravluselo sajukluselo ilaliulaurapsiuk.
16ᴋuviasukpunga, sungertûtigijungnarapse ilûnâne.
Currently Selected:
II Korintemiunut 7: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
