II Korintemiunut 6
6
Paulusib Korintemiut kaiblarpait, Gudib ᴋaitanginik saimanartunik atutsiarᴋovlugit, illauᴋonagillo okpingitunut.
1Uvagulle piniarᴋattaugapta kaiblarpapsetauᴋ Gûdib saimarsautânik sulinase pilerᴋonase.
2(Imâk oᴋarmat Tussalauᴋpagit neliutome ᴋuvianartome, piulilauᴋpagillo uvlorme piulijauvingme. Âhâk mâna ᴋuvianartûb neliuninga, mâna uvloᴋ piulijauvik neliutivoᴋ.) #Jes. 49:8.
3Taimailiorpogut sinaungajutaulugata kimut; kivgartornivut oᴋarnerlôtauᴋonago;
4Ilinganernele tamaine saᴋᴋijârluta Gûdib kivgangititut, angijomik ᴋenuersârluta, kappiasugangapta, ajoᴋsarangaptalo, kiksarangaptalo,
5Annaulertaujarangaptalo, parngnanairsimavingmêtarangaptalo, pikablâjaujarangaptalo, senajarangaptalo, pigârangaptalo, êsingitarangaptalo;
6Ikliguktailinermik saᴋᴋertitsivluta, illisimanermiglo, kamangitsertornermiglo, pitsiarnermiglo, Anernermiglo ajunginermik, naglingnermiglo takkormôjuitomik;
7Mikseᴋârtomik oᴋauseᴋarluta, Gûdemit pitsartuneᴋarluta idluarnerub pingit sakkogivlugit talerpiptigut saumiptigullo;
8Nertortaujarangapta nachogijaujarangaptalo, ajortônerartaujarangapta ajungitônerartaujarangaptalo; uivêriklertutitut okpernaralloartogut;
9Takorngartutitut takorngangikalloartogut; toᴋolertutitut, ahâglo inôvogut; sugiartaujutitut toᴋotaungikalloartogulle;
10Kiksartutitut ᴋuviasutsainartogulle; aklujutitut, unuktunik akluititsigalloartogut; peᴋangitutitut, tamainigle piksaᴋaralloartogut.
11Korintemiut okoᴋse! ᴋanivut angmadlarput ilipsingnut, ômativut issiviput.
12Uvaptingne nimniortitaungilase, ilipsele nimniortitsivosê (uvaptingnik) ômatipsingne.
13Akkiniaritsele neligêktomik, (sôrlo ᴋitorngamnut oᴋâlavunga), ilipsetauᴋ taimâk (ômatipsingnik) issivititsiniaritse.
14Okpingitut illaginiarasigik idluangitomut. ᴋanoᴋ idluarnek idluinerlo illagêktuksaungmanîk? ᴋanorlo ᴋaumajoᴋ tâᴋsoarlo illagêkpâk?
15ᴋanorlotauᴋ Kristûselo Bêlialelo adsigêkpâk? Okpertorlo okpingitorlo ᴋanoᴋ illagêkpâk?
16ᴋanorlo Gûdib iglunga Gûdiungitullo atausiksauvâk? Ilipsele Gûdib ômajub iglogivâsê, Gûde imâk oᴋarmat: Inigijomavakka arvertarlungalo ilungine, Gûdeojomavlungalo tâpkonunga, inuᴋotiginiarpakkalo.#Lev. 26:12.
17Taimaimat anititse taipkonangat, avisârlugillo, Nâlegaᴋ oᴋarpoᴋ, maᴋojungnartorlo aktorniarasiuk; uvangalo ilalioromavapse. #Jes. 52:11,12.
18Atâtaginiarpapsingalo, uvangalo ernerivluselo panigijomavapse, taimâk Nâlegaᴋ ajugaᴋangitoᴋ oᴋarpok. #Jer. 31:9.
Currently Selected:
II Korintemiunut 6: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
