II Korintemiunut 3
3
Oᴋautsinik tussarnertunik oᴋâlajub kivgartorningata ânanaunersauninganik ajoᴋertutsinit Môsesib perᴋojanginik.
1Ama nertôtilerpitâ nangminiptingnîk? Illangititullônêt pijariaᴋarᴋitâ aglangnik nertornarneraijunik ilipsingnut, aglangniglônêt nertornarneraijunik ilipsingnît?
2Ilipse aglagivapse aglaksimajunik ômatiptingne, unungnut tamainut illitarijaujunik atuartaujuniglo;
3Nelonarungnaititaujose, Kristûsib aglagingmase, idluarsarsimajose kivgartorniptigut, aglaksimajose aglaumu-ungitoᴋ, Gûdible ômajub Anerninganut; aglagvingnut ujaraujunu-ungitoᴋ, aglagvingnulle uviniojunut, tagva ômatinut.
4Taimaitomigle tatteᴋarpogut Gûdemut Kristûsikut.
5Uvagut sumiglônêt issumasijungnangilagut nangminiptingnik; sappinginivulle Gûdemit pivoᴋ.
6Tâpsoma sappingitipâtiguttauᴋ kivgartorᴋovluta Testamentetâmut; aglaksimajunu-ungitoᴋ (perᴋojanut), Anernermulle; aglaksimajut (perᴋojat) toᴋotsingmatta, Anernerle ômartitsivoᴋ.
7Kivgartornerle imna toᴋonartoᴋ aglaksimajunêtoᴋ, ujarᴋanut tittersimajunêtorlo ᴋaumaringmat; Israêliblo ᴋitorngangit Môsesib kênanganik takojungnangimatta tâpsoma kênangata ᴋaumaninga pivlugo, sorairtuksaugalloartoᴋ,
8Angiluartomik tagva kivgartorneᴋ Anernermik tunijijoᴋ pinnarnarnersaunajangilâᴋ?
9Kivgartorneᴋ erᴋartortaunermik oᴋâlajoᴋ pinnarnarmat, piluartomik kivgartornek idluarnermik oᴋâlajoᴋ pinnarnartoᴋarpoᴋ anginersavaksôjomik.
10Pinnarnartitaujoᴋ taimna (sorairtuksaᴋ) pinnarnangimat sôrlo, pinnarnartoᴋsoaᴋ tamanna pitjutigilugo.
11Sorailauᴋtoᴋ pinnarnalaungmat, angiluartomik sorairniangitoᴋ pinnarnadlarniarpoᴋ.
12Taimaitomik tatteᴋarapta, sivôrajuidlarluta oᴋâlavogut,
13Môsese malingnago kênaminik tâlutsêjoᴋ, Israêlib ᴋitornganginut takojauᴋonago sorairtub naggatâ.
14Taipkoale issumangit mangaitisimavut. Sulle uvloᴋ tamanna tikidlugo tâlutamik tamattominga mattuêrsimangimatta Testamentitoᴋâb aglangit atuarpagit; tâlutaᴋ tamanna Kristûsikut sorairtilugo.
15Uvlorlo tamanna tikidlugo, Môsesib aglangit atuartaujarangata, ômatingit tâlutsersimavut.
16Sâgiarpattale (Israêlitit) Nâlekamut, tagva tâlutaᴋ pêrtaunajarpoᴋ.
17Nâlegarle Anerniovoᴋ; nanêtarangalle Nâlekab Anerninga, tagvane kivgaujoᴋangilaᴋ.
18Ilûnatale kênaptigut tâlutaᴋangitogut, sôrlo tachartôtikut Nâlekab pinnarnarninga tautukpavut, ablatsângortitaulerlutalo adsigilugo, pinnarnartomit piluta pinnarnartomut, Nâlekamit Anerniojomit (taimaititauvluta).
Currently Selected:
II Korintemiunut 3: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
