II Korintemiunut 2
2
Idluitulijib ᴋaᴋialilauᴋtub utertitauᴋojauninganik. Kristûsemik oᴋâlanerub pitsartuninganik.
1Uvamnele imâk issumasimalauᴋpunga, kiksarlunga ama tikitsomanase.
2Kiksartikupsele, kia ᴋuviasuktinajarpângâ, kiksartitama pingipangâ?
3Tamattomingalo aglagvigilauᴋpapse, tikikuma kiksautigijomanagit ᴋuviasûtigijaksaralloakka; ᴋaujimagapse ilûnase, ᴋuviasungnera ᴋuviasûtigigapsiuk tamapse.
4Angijomik kiksarlunga ômatipkut kappiaktoarlarmalo ᴋugviudlarlungalo aglagvigilauᴋpapse, kiksartitsomavluse pinanga, naglingnerle pijara, ilipsingnut piluartoᴋ, tukkisijauᴋojomavlugo ilipsingnut.
5Kiksartitsijoᴋarpalle, taipsoma kiksartilaungilânga (kissima) ilûnasele kiksartinivâse; sugaluluartomik pasijomanase (taimâk oᴋarpunga).
6Taimaitoᴋ unuktunut taimâk pidlartaungmat, nâmakpoᴋ.
7Mânale igluanut issumagijungnairaksarinersarivase manigorlugolo, kiksavaksoadlarnermut sutairᴋonago.
8Taimaimat kaiblarpapse, naglingnise tâpsomunga tukkisijaule.
9Tamanna pivlugotauᴋ aglagvigivapse, tukkisijomavlugo idluarnise, nâlengmangâpse sumiglônêt oᴋautjaujarangapse.
10Issumagijungnaivigijasele uvangatauᴋ issumagijungnaivigivara; uvangatauᴋ issumagijungnaivigigupko, issumagijungnaivigivara ilipse pivluse Kristûsib sângane;
11Sâtanasemut sâlagijauᴋonata; tâpsoma issumalungninga nelunginaptigo.
12Troasemulle pigama, oᴋautsinik tussarnertunik Kristûsemik oᴋariartorlunga, upkuarmiglo angmartaujoᴋaralloartilugo Nâlekame,
13Tarniga inilangajungnangilaᴋ, ᴋatangutiga Tituse nagvânginapko; sorairutiksamigle pivakka, Mazedôniamut aularlunga.
14Gûdele ᴋujagiviktaule! ajugautitsainarmatigut Kristuseme, tâpsominga illitarsineᴋ tippigiktotut ᴋaujitingmago nunane tamaine, uvagut atorluta.
15Kristûsib tippigiksautigingmatigut Gûdemut, piulijaujomârtunelo assiojomârtunêlô:
16Tâpkonunga toᴋosungnipogut toᴋonartomik; ipkonungale inôserungnipogut ômanartomik. Kinalo taimailingavlune ajungilâᴋ?
17Gûdib oᴋausingit asserᴋotsitilugit pinginapta, asserᴋotsititsijutitut ipkotitunaᴋ unuktutitut; nelâgôrlutale Gûdemillo Gûdiblo sângane oᴋâlavogut Kristûsemê.
Currently Selected:
II Korintemiunut 2: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
