II Korintemiunut 11
11
Pauluse akiogannerpoᴋ, ingminiglo nertôtijariaᴋartitauvoᴋ.
1ᴋanoktôk issumaginiarasinga silaigotoluârsungnimnik; nelungilanga, issumaginiangitapsinga tamattominga.
2Ilungertorama pivluse Gûdib ilungertûtânut. Katitinapse angumut, tagva Kristûsemut, uigasungmik ivsornaitomik âtsivigijomavlugo.
3Sivôravungale, sôrlo ᴋuglugiab pingitsertorlune Eva uivêridlalaungmago, taimâktauᴋ issumase asserorniarasugilugit issumalingasuernermit Kristûsemêtomit.
4Tikitise Jêsusemik assianik oᴋâlakpat, oᴋâlatigilaungitaptingnik; assianiglônêt Anernermik pigupse, pilaungitapsingnik; assianiglônêt oᴋautsinik tussarnertunik, illaliulaungitapsingnik, taimaitoᴋ kamaginajartase ilâ!
5Apôsteliojoᴋsoarnit ipkonangat mingnersaunasuginginama uvanga.
6Oᴋâlaloringikumalônêt, ᴋaujimanermigle ajoᴋsangilanga. Ilâ ilûnainik ᴋaujimagalloarpapsinga.
7Ubvalo idluitulilauᴋpîk, uvamnik nikarnarsârama, ilipse opigijauᴋovlusê? Akkeᴋangitomik oᴋâlavigilaurapse oᴋautsinik tussarnertunik Gûdemit pijunik.
8Illagêt assise aᴋsâlauᴋpakka akkilertauvlunga taipkonunga, ilipse kivgartoromavluse.
9Najorluselo ajoᴋsarama, pagvisâlaungitunga ᴋimiglônêt, ᴋatangutigêt Mazedôniamit pijut ajortamnik tunijilauᴋput; nangminerlo ilinganasualauᴋpunga ilûnâne pagvisâromanase, taimâktauᴋ sulle pitsainaromavunga.
10Nelâgut Kristûsib mikseᴋârninga ilumnêngmat, nertornarnera tamanna soᴋᴋosertitauniangilaᴋ Achajâb nunangine.
11Sôᴋ taimâk? Nagligosunginama ilipsingnîk? Gûdib ᴋaujimavânga.
12Piniarnerale piniaromaneralo, tamanna pivlugo piniarutigivara passitiksairomavlugit patsitiksarsiortut, nertôtigijamingnut adsigijomavluta pijut.
13Apostelit taimaitut nelangaitut sagloᴋitsivlutik ajoᴋertuijôvut, Kristûsemut Aposteliojârlutik.
14Tamannalo tatamnangilaᴋ; Sâtanase nangmineᴋ saᴋᴋijârmat sôrlo ᴋaumajûb Engelingatut.
15Taimaimat kivgangittauᴋ opinaratik idluarnerub kivgangititut ilinganasuarput takkormôrlutik; piniarnitik maliklugit naggateᴋaromarput taipkoa.
16Ama oᴋarpunga, silainasugiklertoᴋarane uvamnik; taimainasugigupsingale, silaitotut taimaitotut illaliorsinga, uvangatauᴋ nertôtiluârsulerᴋovlunga.
17Oᴋautsikka makkoa Nâlekab oᴋauseringilait, sôrlole silainermut atorpakka, nertôtigama.
18Unungmatta nertôtijut uviningmingnut, nertôtijomagivunga uvangatauᴋ.
19Silaitut ᴋunutigitsanginapsigik, nangmineᴋ silatujoᴋsôgapse.
20Erᴋasungilase kivgautitaugupse, nungutaugupse, ivajaijaugupse, tapagijaugupse, kênapsigut tigluktaugupse.
21Nertornangitomik oᴋarpunga, sôrlo sangêlertutitun-idluta. Assimale nertôtijutiksaᴋarningit, (silaidlunga oᴋarpunga) uvangatauᴋ nertôtijutiksarigivakka.
22Taipkoa Ebrêeriovut, uvangatauᴋ. Israêlitiovut, uvangatauᴋ. Abrahâb kinguvârivait, uvangatauᴋ.
23Kristûsemut kivgauvut: silaitotut oᴋarpunga: pinersaugalloarpunga uvanga. Senanersaulauᴋpunga (taipkonangat), unatarnersaulauᴋpunga, unorᴋejanginiglo parngnanairsimavingmêlauᴋpunga, nangianartunêᴋattalauᴋpunga toᴋoviksauᴋôrtune.
24Jûdinut issaᴋajaulauᴋpunga tellimairtorlunga issaᴋanernik 40 nik, atauseᴋ pinago.
25Pingasuertôrlunga annaulertauvunga annautanut, atausisiarlunga ujarᴋanut milortauvunga, pingasuertorlunga umêjalauᴋpunga, imarbiub itininganêlauᴋpunga uvlorlo unnuarlo nâvlugik.
26Ingergalauᴋpunga unuktunik: nangianartomêlauᴋpunga kôksoarne, nangianartomêlauᴋpunga inuartune, nangianartomêlauᴋpunga inuᴋatimne (Jûdine), nangianartomêlauᴋpunga nelojune, nangianartomêlauᴋpunga iglogasangne, nangianartomêlauᴋpunga inuᴋajuitome, nangianartomêlauᴋpunga imarbingme, nangianartomêlauᴋpunga ᴋatangutine nelangaitune.
27Oᴋumaitunik unuktunik tukkiseᴋattalauᴋpunga senanermelo, pigârnermelo, kângnermelo imerungnermelo, nerritailiᴋattarnermelo, ᴋeujanermelo, annorâᴋanginermelo.
28Assingillo pivaktut tainagit; ilâ, uvlut tamaita pagvisârtaugama (inungnut), issumajârutigijaᴋattarapkillo illagêt ilûnaita.
29Kina sangêtoᴋ sangêtjutigingilarâ? kina sinaungasartaujoᴋ ônarsijutigingilarâ?
30Nertôtijariaᴋarumale uvamnik, sangêneranertôtigijomavara.
31Gûdib, Nâlegapta Jêsusib Atâtangata ᴋaujimavânga saglunginama; tâmna nertortaule issoᴋangitomut.
32Damaskusemêtilunga, ataniub Arêtasib angajoᴋângortitangata Damaskusemiut iglugasaksoangit udjertortauᴋovait, tigujomavlunga.
33Igalâkulle ᴋarmaᴋsûb silatânut ningititaulauᴋpunga amârgaujaᴋsoarmut, ᴋemâvungalo agganginit.
Currently Selected:
II Korintemiunut 11: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
