I Korintemiunut 9
9
Ajoᴋertuijut issumagijaujariaᴋarninginik piksanginik. Taimaigalloartilugole, Paulusib akkilertaujomangininganik sangêtut pivlugit. Niaᴋôtiksab asserojuitub pinasuartauᴋojauninganik.
1Aposteleungilangâ? Kivgaujungnaingilangâ? Nâlegavut Jêsuse Kristûse takolaungipigô? Ilipse sanamajigingilapsinga Nâlekamê?
2Assipsingnut Aposteliungikuma, ilipsingnut Aposteliovunga; Apostelionimnut nalunaikutauvose Nâlekame.
3Tamadja akkiornera erᴋartortimnut:
4Nerrijuksaungilagût imertuksaunatalô?
5Nulialijartuksaungilagût arnamik ᴋatangumik, Apostelititut assiptitut, Nâlekablo ᴋatangutingititut, Kêfasetullô?
6Uvangalo Barnabaselo kissimnuk taimâk pijungnangilagûk?
7Kina sorsugiartorlune kivgartorᴋâ, atorniartane nangminek pisiarilugît? Kina vainiliksamik perorsêviliorᴋâ, perorsiangita ilanginik nerrinanê? Kinalônêt nergjutinik pairsivâ, êsinanelo nergjutit tâpkoa immunginîk?
8Inûb ilusinga atordlugo taimâk oᴋâlavîk? Perᴋojat taimaitunik oᴋauseᴋanginivât?
9Môsesib perᴋojangine aglaksimangmat, “Ivjarusêjuksaungilatit tuktuvangmik (sullugainernik) tullertomik.” Tuktuvait (kissêta) Gûdib issumagivagît? #Deut. 25:4.
10Ubvalo mattominga piluartomik uvagut pivluta oᴋâlalaungilâk? Aukak, uvagut pivluta aglaksimangmat. Poagrejartok (ivjomik) poagrejartuksauvok nerriuklune, sulugainerniglo kadjuktok nerriuklune kadjuktuksauvok.
11Anernerub pinginik karngasuigapta ilipsingnut, timipse atoraksanginik ilangaigupta, angiluarᴋâ?
12Assivut taimaitomik perᴋojijungnarpatta ilipsingnik, uvagut pijuksaunersaungilagût? Uvagulle perᴋojinermik taimaitomik atulaungilagut; sunatuinaille kamagingilavut, agviarutiksalioromanata Kristûsib oᴋausinginut tussarnertunut.
13ᴋaujimangilasê kivgartortut ivjornaitovingme nerrivangmatta ivjornaitoviub pinginît? Tunerguservingmelo kivgartortut tunerguserviub ᴋânganut illijaujut ilangerpangmagît?
14Taimâktauk Nâlegak perᴋojilaukpok, oᴋautsinik tussarnertunik oᴋâlajut oᴋautsinut tussarnertunut inôgutiksarsijuksaungmatta. #Matt. 10:10; Luk. 10:7.
15Tamakkoningale atulaungimarikpunga. Taimailiorviojomavlungalo tamattominga aglanginivunga. Toᴋojomangârpunga nertornautiksamnik aᴋsârtaunermit.
16Oᴋautsit tussarnertut oᴋâlatigigapkit, nertortuksaungilanga uvamnik; taimailiortuksaugama. Kappianarmêk uvanga, oᴋautsit tussarnertut oᴋâlatigingikupkit.
17ᴋununanga oᴋâlaguma, akkilertaujomârpunga; ᴋunugalloarumale, piniarnermik tamattominga perᴋojauvunga.
18Sumik tagva akkilertauniarpîk? Imâk: Oᴋautsit tussarnertut Kristûsemik oᴋâlatigigapkit, taimailiorpunga akkilertaukojinanga; atornerlugomanago kivgaunginera oᴋautsit tussarnertut pitjutigilugit.
19Inungmik nâlegaksaᴋangigalloardlunga, uvamnik kivgautitunga tamainut, unuksititsomavlugit (okpertuksat).
20Jûdine Jûditun-ipunga, Jûdit idluarserᴋojomavlugit. Perᴋojalingne perᴋojaliktun-ipunga, idluarseᴋojomavlugit perᴋojalit.
21Perᴋojaᴋangitune perᴋojaᴋangitotun-ipunga, idluarserᴋojomavlugit perᴋojaᴋangitut; Gûdib sângane perᴋojaliungitsangigalloardlunga, Kristûsible perᴋojangit nâlekpakka.
22Sangêtune sangêtotun-ipunga, sangêtut idluarserᴋojomavlugit. Ilûnnainut adsionasuarpunga ilûnâne, ilangillônêt ilûnnainit piuliniaromavlugit.
23Oᴋautsille tussarnertut pivlugit taimailiorpunga, nangminek ilangiubvigijomavlugit.
24ᴋaujimangilasê, aᴋpaliutivingme aᴋpangerᴋatautijut, ilûnatik aᴋpangeralloarmatta, atausenauble pivianartok (ajugaujub pijaksanga) pivâ? Akpangerniaritse tagva, tigulugo tâmna.
25Inugaᴋatautijulle ilûnatik assianik pinasuangilat; ipkoale niaᴋôtiksak asserorniartok pijomavlugo, uvagulle asserojuitomik piniarpogut.
26Taimaimat aᴋpangerpunga maungatuinaungitok; sorsukpungalo sorlo silatuinarmut issaᴋailunga pinanga.
27Timigale aᴋtorsartidlarlugo kivgautipara, assimnut oᴋâlajunga nangminek egitaksaujomananga.
Currently Selected:
I Korintemiunut 9: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
