I Korintemiunut 8
8
Gudeungitunut tunergutinik.
1“Gûdeungitunulle tunergutit pivlugit ᴋaujimavogut, ilûnnata illisimagapta.” Illisimanek pijorititsivok, naglingnerle âᴋiksiovok.
2Ilisimanasugijoᴋarpalle sumik tâmna ᴋaujimangilak sulle ᴋaujijariaᴋarnerminik ᴋanok.
3Gûdemigle nagligosuktoᴋarpat, tâmna illitarijauvok tâpsomunga.
4Gûdeungitunut tunergutinik nerrinek pivlugo ᴋaujimavogut tagva, Gûdeungitok nuname sunautsangimat, Gûdeᴋangimallo atausetôjub assianik.
5Gûdinik taijaujoᴋaralloarpok ᴋilangmelônêt nunamelônêt; Gûdit (taimaitut) unungmatta, nâlekallo unungmatta.
6Taimaigalloartilugo, atausênarmik Gûdeᴋarpogut, Atâtamik; tâpsomangat ilûnnamatsiatik pivut, uvagullo tâpsomanêpogut; atausênarmiglo Nâlegaᴋarpogut Jêsuse Kristûsemik, tâpsomûna ilûnnamatsiatik pivut uvagullo tâpsomûna.
7Iûnnatigle atunit tamattominga illisimangilat. Ilangit sulle issumajâdlarlutik Gûdeungitut pitjutigilugit, Gûdeungitunut tunergutaunasugijamingnik nerrivut; tamattomungalo issumangit sujuktauvut, sangêngmatta.
8Nerᴋele idluarutigingilavut Gûdib sângane. Nerrinivut pivlugo idluarnersauniangilagut, nerringinivullo pivlugo idluinersauniangigilagut.
9Udjertuleritsele, kivgaunginise tamanna apôtiksaulerᴋonago sangêtunut.
10Igvit ilitarsineᴋartotit, naliata takogunitit nerrimârvingme iksivatilutit Gûdeungitub iglungane, tâmna sangêname, issumamigut kajungersartaulingilâk, nerrilune Gûdeungitunut tunergutinîk?
11ᴋatangutib tagva sangêtub, Kristûsib toᴋotigijangata, ilitarsinît asserorutiginiarpâ.
12Taimâgle idluituligupse ᴋatangutigênut, killerdlugillo sorlo issumangit sangêtut, tagva Kristûsemut idluitulivose.
13Taimaimat nerᴋe ᴋatangutima sinaungajutigikpago, nerᴋemik nerrijomanajatsangilanga, ᴋatangutimnut sinaungajutaujomananga.
Currently Selected:
I Korintemiunut 8: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
