I Korintemiunut 10
10
Paulusib ᴋaiblarpait okpertut, Israêlititut nâlelaungitutitut ilerᴋonagit; Gudiungitunik Sâtanasemiglo kivgartorᴋonagit, ᴋatangutillo sangêgtut sinaungatitauᴋonagit.
1Erᴋaititsomavapsele ᴋatangutikka, atâtagijavut ilûnatik nuvujab atânêlaungmatta, ilûnatiglo imakut pissulaukput;
2Ilûnatiglo Môsesemut (ilingavlutik) baptitaulaukput nuvujamelo imânelo.
3Ilûnatiglo adsigêktomik nerᴋiksamik anernelingmik nerrilaukput;
4Ilûnatiglo adsigêktomik imiksamik anernelingmik imilaukput; ᴋairtomille anernelingmik pijomik imilaukput, tâpsoma malingmagit; ᴋairtok tâmna Kristûseolaukpok.
5Unuktulle tâpkonangat Gûdib ᴋuviagilaungilait; taimaimat inôjungnaititaulaukput inuᴋajuitome.
6Tamadjale ulloreasûtiksarivavut, ajortomut ikliguᴋonata, taipkutitunak ikliguktutitut.
7Gûdeungitullo nâlengniarasigik taipkoa ilangititut, sorlo aglaksimangmat: Inugasaksuit ingilerput nerrimârlutik imilarmiglo, nikovilerpullo pingoaromavlutik. #Ex. 32:6.
8Assiniaratatauk, sorlo taipkoa ilangit assinialaungmatta, 23,000 illo toᴋolaukput uvlorme atautseme.
9Kristûsemiglotauk ôktorniarata, sorlo taipkoa ilangita ôktulaungmatsuk, ᴋuglugiarâlungnullo toᴋotaulaukput.
10Avamudlarasetauk, sorlo taipkoa ilangit avamudlarmatta asserorsaijomullo toᴋotaulaukput.
11Tamakkonungale tamainut pijauvut taipkoa, erᴋaumajaksauniarᴋovlugit; aglaksimagivuttauk, inertertauᴋovluta uvagut, silaksûb uvlungita kingorlingine inôjogut.
12Taimaimat issumamigut nangerasugijok, kamalerle ochoᴋonane.
13Assianut ôktorluktaungilase sulle, inuit atorpaktanginut kisiane; Gûdible nertornarlune ôktortaukoniangilâse ajortapsingnik; ôktorlungnartorle imâk naggaserniarpâ asserortauᴋonase.
14Taimaimat nagliktakka, Gûdingoanik (Gûdiungitunik) kivgatornek ulloreagisiuk.
15Sorlo ilisimajunut oᴋâlavunga, oᴋautsikka tamakkoa kiglisiniarsigik.
16Ermgusiarsuk saimanartok, saimartavut, tâmna Kristûsib aunganut illagêgutaungilâk? ᴋakᴋôjak, avgortavut, tâmna Kristûsib timinganut illagêgutaungilâk?
17Kaᴋᴋôjaᴋ atausiongmat, taimâk unuktôvluta timiovogut atautsemik; ᴋakᴋôjak atausek ilangiubvigigaptigo tamapta.
18Uvinikut Israêlitiojut nautsertorsigik. Tunergutivinernik nerrijut, taipkoa tunerguservik ilangiubvigingilât?
19ᴋanok tagva oᴋarlangâ? Gûdeungitok sunaunerarpigô? Gudeungitunullônêt tunergutit sunaunerarpakkâ?
20Oᴋarpungale, nalojut tunergutiksamingnik tunijivut Sâtanasinut, pinatiglo Gûdemut. Sâtanasille ilagêngninginut ilauᴋojomatsangilapse.
21Nâlekab ermgusiarsunganit, Sâtanasillo ermgusiarsunganit atautsikut imerungnangilase; Nâlekab nerrimârvianit, Sâtanasillo nerrimârvianit ilangiutijungnangilase.
22Nâlegarlônêt ningarosuktitsomavitigô? Tâpsomangat pitsartunersauvitâ?
23Tamainik pijungnaralloarpunga, ilangille atornangilat. Tamainik pijungnarpunga, ilangille idluarᴋutaungilat.
24Naliallônêt nangminerijaksaminik ᴋenerniarane ilûnatigle atunit assime pingit issumagiligit.
25Nerᴋit niorvgutiksat tamaita niuvervingmêtut nerrisigik, aperᴋutiginiarnagillo issumajârᴋonase.
26Nâlekab nuna pingillo tamaita perᴋutigingmagit.
27Okpingitulle ilangata nerrijartorᴋokpase, aijomagupselo, mannijaujut ilipsingnut nerrisigik, aperᴋutiginiarnagillo issumajârᴋonase.
28Oᴋautjaulerupsele, nerᴋe tamanna tunerguteviniovok Gudiungitunut; nerrijuksaungilase ᴋaujititsijok tamattominga pivlugo; issumajârtoᴋarᴋonago. Nâlekab nuna pingillo tamaita perᴋutigingmagit.
29Erᴋarsautille oᴋautigivakka, igvit erᴋarsautitit pivlugit pinanga, assivîlle erᴋarsautingit pivlugit. Sôk assima erᴋarsautinginut kivgaunginera erᴋartortauᴋojaksarivigô?
30ᴋujalivlunga atorupko, sôk mitautigijaujariaᴋarᴋîk ᴋujalijutigijara pitjutigilugô?
31Taimaimat, nerrijarangapselônêt, imerangapselônêt, sumiglônêt piniarmangâpse, tamaita piniarsigik Gûde nertortauᴋovlugo.
32Sinaungajutauniarase Jûdinullônêt, Grîᴋinullônêt, Gûdib ilagêktoᴋotinginullônêt.
33Sorlo uvangatauk tamainut ᴋuviagijaunasuarama sunatuinatigut, idluarᴋutiksamik pinasuarlunga uvamnu-ungitok, unuktunulle, piulijauᴋovlugit.
Currently Selected:
I Korintemiunut 10: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
