I Korintemiunut 13
13
Naglingnerub anginerpângoninganik.
1Inuit (ilûnatik) Engelillo oᴋausinginut oᴋâlajungnaruma, naglingneᴋarnangalo, ᴋaᴋorlertut sivanertotut, nipliajôrutitullônêt immiajotut inajarpunga.
2Nalautainerniglo oᴋarungnaruma, nalonartoᴋsuillo tamaita ᴋaujimagupkit, ilisimanartullo tamaita ilisimagupkit; okpernekarumalo tamainik, ᴋakᴋâluit aglât nukterungnarlugit, naglingneᴋarnangalo, suksaunajangilanga.
3Pikkalo tamaita piliutigigalloarupkit aklujunut, timigalo ikomamut nungutautigalloarupko, naglingneᴋarnangalo, atorajangimarikpoᴋ uvamnut.
4Naglingnek kamangitsertorlunelo pitsiartoᴋsôvok, naglingnek anâtûtingilak, naglingnek tapatongilak, piojorinanelo;
5Iluserluktomik sakᴋertitsingilak, nangminiksarsiungilak, ningarosuktitaujungnaranelo, asseroinasuangilak.
6Idluitulineᴋ ᴋuviasûtigingilâ, mikseᴋârnerle ᴋuviasûtigivâ.
7Tamainik erᴋasungilak, tamainik okperpok, tamainik nerriukpok, tamainik ᴋenuersârpok.
8Naglingnek sorairniangilak, nalautainerille sorairomârput, oᴋautsillo (ingmigôlingajut) sorairomârput, ilitarsinerlo sorairomârpok.
9Ilainarnik ᴋaujimagapta, ilainarniktauk nelautaivluta.
10Nâmaksinerle neliutikpat, ilainârnerit tâva sorairomârput.
11Sorusiolaurama, sorusertut oᴋâlalaukpunga, sorusertullo silatuneᴋalaukpunga, issumaᴋarlarmalo sorusertut; angutimarioleramale iperarpara sorutsib ilusinga.
12Mâna ᴋemergovogut sorlo tachartûtikut, erginaisiordluta, pijomârtomele kênarmit kênarmut. Mâna ilitarsivunga ilainarnik, pijomârtomele ilitarsijomârpunga, sorlo ilitarijaugama.
13Mânale makkoa pingasut: okpernerlo, nerriungnerlo, naglingnerlo sokᴋoserniangilat. Naglingnerlo tamakkonangat anginerpauvok.
Currently Selected:
I Korintemiunut 13: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
