I Korintemiunut 11
11
Arnat annorâᴋartuksauninginik ᴋanok. Komuniônib uvloᴋsiorutauninganik.
1Uvamnik malikteotitse, sorlo uvanga Kristûsemik.
2Nertorpapse ᴋatangutikka erᴋaumagapse (oᴋautsimnik) tamainik, maligaksallo perᴋojakka ilipsingnut atutsiarapsigik.
3ᴋaujimaᴋovapsele, angutit naliatalônêt Kristûse niaᴋoringmago, arnable angut niaᴋorivâ, Kristûsible Gûde niaᴋorivâ.
4Angutit naliat tuksiarangame, nalautaijarangamelônêt nessarsimavlune, niaᴋone nachonartipâ.
5Arnalle naliat tuksiarangame, nalautaijarangamelônêt nessarsimanane, niaᴋone nachonartipâ; salimajotun-inajarame.
6Arnak nessarsimajomangikune, kipjartaugilît nujangit. Arnarle nujaᴋarune kipjarsimajunik salimajuniglônêt nachonadlarmat, nessarsimavlune pile.
7Angulle nessarsimajuksaungilak, adsiutaungmat Gûdemut, tâpsomalo nertornautigingmago: angutible arnak nertornautigivâ.
8Angut arnamit pingimat, arnarle angumit pivok.
9Angut pingortisimanginivok arnak pivlugo, arnarle angut pivlugo.
10Taimaimat arnak nâlengnermut nessaᴋartuksauvok, Engelit pivlugit.
11Kisianele angullônêt arnamik ilaᴋangilungilak, arnarlônêt angumik ilaᴋangilungilak, Nâlekame.
12Sorlo arnak angumit pingmat, taimâktauk angut arnakut pigivok; tamaitale Gûdemit (pivut).
13Nangminek issumatitse, takominarmangât, nessarsimanane arnak tuksiarangat Gûdemut.
14Ingminiglônêt sakᴋijânginivâ ilipsingnut, angutib nujane takijorortiᴋunigit, nachonautigingmagît?
15Arnable nujane takijorortikunigit, pinnarnautigingmagît? Nujarminik tunitjiviongmat ulliktaujutigivlugit.
16Tamannale pivlugo akkerartorosuktoᴋarpat akunapsingne, tâmna ᴋaujilerle, uvagut taimaitomik iluseᴋanginapta, Gûdib illagêktoᴋotingillônêt.
17Tamattomingale inerterijuksauvunga: Nertorluse ajulerpapse, idluarnersamik iluseᴋarase, idluanginersamigle iluseᴋarluse katimavakkapse.
18Sivorlermik tussarpinga, katimalerangapse ilagêktutitut, akkerartortigêkapsegôk, ilangagullo okperivara.
19Ingmingnut akkerartôtijoᴋariaᴋarmat ilipsingne, nelâgôrtut akunapsingne sakᴋijârᴋovlugit.
20Taimâk katimalerangapse, Nâlekab Komuniôninganik pijungnangilase.
21Sivorngagut atunit ingmiᴋôrluse nerrivakkapse neksartapsingnik; illapselo ilangat kâkpok, aipanga nâmaksivok.
22Igloᴋangilasê nerrimârviksapsingnîk imerviksapsingniglô? Ubvalo Gûdib ilagêktoᴋotingit nachogivisigîk, peᴋangitullo kangusuktilugît? Sumik ilipsingnut oᴋartuksauvîk? Ilipsingnik nertordlertuksauvîk? Tamanna pitjtigilugo nertungilapse.
23Nâlekamit pivara ilipsingnut unertûtigijara (imaitok): Nâlekab Jêsusib unnuarme taipsomane pititaugame, ᴋakᴋôjak tiguvâ,
24ᴋujalivlunelo avgorpâ oᴋarlunelo: Tigulugo nerrisiuk; tagva timiga, tunijauniartok pivluse: taimailioritse erᴋaumajauniksamnut.
25Taimâktauk ermgusiarsuk (tigugivâ), nerrijarêramik, oᴋarlunelo: Ermgusiarsuk tâmna Testamentetângovok aumne; taimailioritse imilerangapsiuk erᴋaumajauniksamnut.
26ᴋakᴋôjak tamanna nerrilerangapsiuk, ermgusiarsungmillo tâpsomangat imilerangapse, Nâlekab toᴋunga oᴋautigijaksarivase tikerᴋârtingao.
27Neliat ᴋakᴋôjamit tâpsomangat nerrijok, Nâlekablonêt ermgusiarsunganit imertoᴋ idluarsinane, tâmna pidlaraksauvok Nâlekab timingalo aungalo pivlugik.
28Inugle nangminerminik kiglisiniarᴋârle, taimaglo ᴋakᴋôjamit tâpsomangat nerrile, ermgusiarsungmillo tâpsomangat imerle.
29Nalialle nerrijok imertorlo idluarsinane, tâmna nerrivlunelo imerpok erᴋartortautiksaminik; tamanna pivlugo. Nâlekab timinga issumaginginamiuk.
30Taimaimat ajulertut ᴋanimajullo unudlarput akunapsingne, unuktullo sinikput (toᴋovut).
31Nangminiptingnigle erᴋartorupta, erᴋartortauniarajangilagut.
32Erᴋartortaujarangaptale, Nâlekamut sugiartaulerpogut, silaksoarmiut illagilugit pidlartauᴋonata.
33Taimaimat, ᴋatangutikka, nerrijartorluse katilerangapse, ilase utaᴋisigik.
34ᴋâktoᴋarpalle, iglomine nerrerᴋârle; katimanipsingnut erᴋartortautiksarserᴋonase. Tamakkoa assingit âᴋigomavakka tikikuma.
Currently Selected:
I Korintemiunut 11: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
