Exodo 20

Dagiti Sangapulo a Bilin

(Deut. 5:1-21)

1Nagsao ti Dios ket adtoy dagiti balikasna: 2“Siak ni Yahweh a Diosyo a nangiruar kadakayo idiay Egipto, iti daga a nakatagabuanyo.

3“Dika agdaydayaw iti sabali a dios no di laeng siak.

4“Dika#Ex. 34:17; Lev. 19:4; 26:1; Deut. 4:15-18; 27:15. agaramid iti agpaay kenka a kinitikitan a ladawan wenno aniaman a kapadpada ti parsua iti langit wenno iti daga wenno iti danum nga adda iti uneg ti daga. 5Dika#Ex. 34:6-7; Num. 14:18; Deut. 7:9-10. agrukbab wenno agdaydayaw iti uray ania a kinitikitan a ladawan agsipud ta siak, ni Yahweh a Diosmo, ket managimonak. Dusaek dagiti gumura kaniak, agraman dagiti annakda agingga iti maikatlo ken maikapat a kaputotan. 6Ngem ipakitak ti panagayatko iti rinibu a kaputotan dagiti agayat kaniak ken mangtungpal kadagiti bilinko.

7“Dimo#Lev. 19:12. aramaten ti naganko iti dakes a panggep gapu ta, siak, ni Yahweh a Diosmo, dusaek ti siasinoman a barengbareng ti panangusarna iti naganko.

8“Ngilinem#Ex. 16:23-30; 31:12-14. ti Aldaw a Panaginana ket ibilangmo a nasantoan. 9Innem#Ex. 23:12; 31:15; 34:21; 35:2; Lev. 23:3. nga aldaw ti panagtrabahom, 10ngem aginanaka iti maikapito nga aldaw a maipaay kaniak. Dika agtrabaho iti dayta nga aldaw—sika wenno dagiti annakmo wenno dagiti tagabum wenno dagiti animalmo wenno dagiti ganggannaet nga agnaed iti pagiliam. 11Iti#Gen. 2:1-3; Ex. 31:17. las-ud ti innem nga aldaw, siak, ni Yahweh, inaramidko ti langit, daga, dagiti baybay agraman dagiti amin a linaonda, ngem naginanaak iti maikapito nga aldaw. Isut' gapuna a siak, ni Yahweh, binendisionak ti Aldaw a Panaginana ket intuyangko nga aldaw a nasantoan.

12“Dayawem#Deut. 27:16; Mat. 15:4; 19:19; Mar. 7:10; 10:19; Luc. 18:20; Ef. 6:2; Ef. 6:3. da amam ken inam tapno napaut ti panagbiagmo iti daga nga itedko kenka.

13“Dika#Gen. 9:6; Lev. 24:17; Mat. 5:21; 19:18; Mar. 10:19; Luc. 18:20; Rom. 13:9; San. 2:11. mamapatay.

14“Dika#Lev. 20:10; Mat. 5:27; 19:18; Mar. 10:19; Luc. 18:20; Rom. 13:9; San. 2:11. makikamalala.

15“Dika#Lev. 19:11; Mat. 19:18; Mar. 10:19; Luc. 18:20; Rom. 13:9. agtakaw.

16“Dika#Ex. 23:1; Mat. 19:18; Mar. 10:19; Luc. 18:20. agsaksi iti ulbod a maibusor iti padam a tao.

17“Dimo#Rom. 7:7; 13:9. aguman ti balay ti sabali a tao. Dimo aguman ti asawana, dagiti tagabuna, dagiti bakana, dagiti asnona wenno ti aniaman a sanikuana.”

Ti Buteng dagiti Tattao

(Deut. 5:22-33)

18Idi#Heb. 12:18-19. mangngeg dagiti tattao ti gurruod ken ti tangguyob, idi makitada ti kimat ken ti umas-asuk a bantay, nagpigergerda iti buteng ket immadayoda.

19Kinunada ken ni Moises, “No sika ti makisao kadakami, dumngegkami. Ngem saan koma a ti Dios amangan no mataykami.”

20“Dikay agbuteng,” kinuna ni Moises. “Immaynakayo la suoten ti Dios tapno kanayon a tungpalenyo ti saona ket dikay agbasol.” 21Nupay kasta, nagtalinaed dagiti tattao a nakatakder iti adayo ket ni la Moises ti immasideg iti napuskol nga ulep a yan ti Dios.

Dagiti Annuroten iti Altar

22Imbilin ni Yahweh ken ni Moises nga ibagana daytoy kadagiti Israelita: “Nakitayo ti pannakisaok kadakayo manipud langit. 23Dikay agaramid kadagiti didiosenyo a pirak wenno balitok a pagdaydayawanyo a kas iti panagdayawyo kaniak. 24Yaramidandak iti altar a daga ket sadiay ti pangpuoranyo kadagiti datonyo para iti kappia ken kadagiti karnero ken baka a sakrifisioyo para iti panagkakadua.#24 sakrifisioyo para iti panagkakadua: dagiti daton a sumagmamano laeng a paset ti animal ti mapuoran iti altar; kanen dagiti agdaydayaw dagiti dadduma a paset. Umaykayto bendisionan iti sadinoman a lugar nga itudingko a pagdaydayawanyo kaniak. 25No#Deut. 27:5-7; Jos. 8:31. yaramidandak iti altar a bato, diyo usaren dagiti natikapan a bato agsipud ta no aramatenyo dagiti paetyo, matulawan ti altar nga aramidenyo. 26Dikay agaramid iti altar nga adda agdanna ta makita ti kinalamolamoyo#26 makita ti kinalamolamoyo: ti lalaki a mangidatag iti daton ket awan arruatenna no di lupot laeng a naiputipot iti siketna. no umulikayo.”

Currently Selected:

Exodo 20: RIPV

Highlight

Compare

Copy