Popular Bible Verses from Exodo 20

Share

“Siak ni Yahweh a Diosyo a nangiruar kadakayo idiay Egipto, iti daga a nakatagabuanyo. “Dika agdaydayaw iti sabali a dios no di laeng siak.

“Dika agaramid iti agpaay kenka a kinitikitan a ladawan wenno aniaman a kapadpada ti parsua iti langit wenno iti daga wenno iti danum nga adda iti uneg ti daga. Dika agrukbab wenno agdaydayaw iti uray ania a kinitikitan a ladawan agsipud ta siak, ni Yahweh a Diosmo, ket managimonak. Dusaek dagiti gumura kaniak, agraman dagiti annakda agingga iti maikatlo ken maikapat a kaputotan.

“Dayawem da amam ken inam tapno napaut ti panagbiagmo iti daga nga itedko kenka.

“Ngilinem ti Aldaw a Panaginana ket ibilangmo a nasantoan.

“Dimo aramaten ti naganko iti dakes a panggep gapu ta, siak, ni Yahweh a Diosmo, dusaek ti siasinoman a barengbareng ti panangusarna iti naganko.

Innem nga aldaw ti panagtrabahom, ngem aginanaka iti maikapito nga aldaw a maipaay kaniak. Dika agtrabaho iti dayta nga aldaw—sika wenno dagiti annakmo wenno dagiti tagabum wenno dagiti animalmo wenno dagiti ganggannaet nga agnaed iti pagiliam.

“Dimo aguman ti balay ti sabali a tao. Dimo aguman ti asawana, dagiti tagabuna, dagiti bakana, dagiti asnona wenno ti aniaman a sanikuana.”

“Dika agsaksi iti ulbod a maibusor iti padam a tao.

“Dika makikamalala.

“Dika mamapatay.

“Dika agtakaw.