Exodo 19
19
Dagiti Israelita idiay Bantay Sinai
1-2Pimmanaw dagiti Israelita iti Refidim ket iti umuna nga aldaw iti maikatlo a bulan kalpasan ti ipapanawda idiay Egipto, dimtengda iti let-ang ti Sinai. Nagkampoda iti arisadsad ti Bantay Sinai, ket 3simmang-at ni Moises iti bantay tapno makiuman iti Dios.
Inawagan ni Yahweh ni Moises manipud iti bantay ket imbagana kenkuana ti sawenna kadagiti Israelita a kaputotan ni Jacob: 4“Nakitayo ti inaramidko kadagiti Egipcio ken no kasano ti panangawitko kadakayo—kaslaak la agila a nangitayab kadagiti sibong a nangipan kadakayo ditoy. 5Ita,#Deut. 4:20; 7:6; 14:2; 26:18; Tit. 2:14. #1 Ped. 2:9. no agtulnogkayo kaniak ket salimetmetanyo ti tulagko, dakayonto dagiti tattaok. Kukuak ti entero a daga, ngem dakayto dagiti napili a tattaok, 6tattao#Pal. 1:6; 5:10. a naikonsagrar nga agpaay laeng kaniak ket agserbikayonto kaniak a kas papadi.”
7Simmalog ngarud ni Moises ket inayabanna dagiti amin a panglakayen dagiti tattao. Imbagana kadakuada ti amin nga imbilin ni Yahweh. 8Sangsangkamaysa a simmungbat dagiti amin a tattao a tungpalenda ti amin nga imbaga ni Yahweh. Ket impakaammo ni Moises ken ni Yahweh ti insungbat dagiti tattao.
9Kinuna ni Yahweh ken ni Moises, “Umayakto kenka iti napuskol nga ulep tapno mangngeg dagiti tattao a makisasaoak kenka ket mamatida kenkan manipud ita.”
Imbaga ni Moises ken ni Yahweh ti insungbat dagiti tattao 10ket kinuna ni Yahweh kenkuana, “Inka kadagiti tattao ket ibagam a dalusanda dagiti bagida ita ken inton bigat tapno agsaganada nga agdaydayaw. Masapul a labaanda dagiti pagan-anayda 11ket sisasaganadanton iti maikatlo nga aldaw. Iti dayta nga aldaw, bumabaakto iti Bantay Sinai tapno makitadak dagiti amin a tattao. 12Mangikabilkanto#Heb. 12:18-20. iti beddeng iti aglikmut ti bantay a pagpatinggaan dagiti tattao. Ibagam kadakuada a dida sumang-at wenno umasideg iti bantay. No adda bumaddek iti bantay, masapul a mapapatay: 13Maubor wenno mapana agingga a matay ket maiparit ti mangsagid kenkuana. Kasta ti aramidenyo iti tao wenno iti animal; masapul a mapapatay. Ngem inton mapuyot ti tangguyob, sumang-atton dagiti tattao iti bantay.”
14Simmalog ni Moises iti bantay ket pinagsaganana dagiti tattao nga agdaydayaw. Isu a linabaanda dagiti pagan-anayda, 15ket imbagana kadakuada, “Nakasaganakayton iti maikatlo nga aldaw. Dikay pay la makikaidda iti assawayo.”
16Iti#Pal. 4:5. #Deut. 4:11-12. agsapa iti maikatlo nga aldaw, naggurruod ken nagkimat iti bantay. Nagparang ti napuskol nga ulep. Immaweng ti nakapigpigsa nga uni ti trumpeta. Nagpigerger dagiti amin a tattao iti kampo gapu iti buteng. 17Indauloan ida ni Moises a rimmuar iti kampo tapno sabtenda ti Dios. Nagtakderda iti arisadsad ti bantay. 18Nakumotan ti Bantay Sinai iti asuk gapu ta bimmaba sadiay ni Yahweh babaen iti apuy. Nagpangato ti asuk a kas iti asuk ti urno ket kasta unay ti panagkintayeg ti bantay.#18 ti bantay; dagiti tattao, kuna ti maysa a manuskrito. 19Pimmigsa a pimmigsa ti uni ti trumpeta. Nagsao ni Moises ket sinungbatan ti Dios babaen iti panangibulosna iti gurruod. 20Bimmaba ni Yahweh iti tapaw ti Bantay Sinai, ket inayabanna ni Moises a sumang-at. Napan ni Moises iti tapaw, 21ket kinuna ni Yahweh kenkuana, “Sumalogka ket ballaagam dagiti tattao a dida labsan ti beddeng nga umay kumita kaniak. No labsanda, adunto kadakuada ti matay. 22Uray dagiti papadi nga umasideg kaniak, masapul a dalusanda dagiti bagbagida, ta no saan, dusaek ida.”
23Kinuna ni Moises ken ni Yahweh, “Saan a mabalin a sumang-at dagiti tattao gapu ta imbilinmo kadakami nga ibilangmi a nasagradoan ti bantay ken mangikabilkami iti beddeng iti likmutna.” 24Ngem kinuna ni Yahweh kenkuana, “Sumalogka ket inka alaen ni Aaron. Ngem saan a labsan dagiti papadi ken dagiti tattao ti beddeng nga umasideg kaniak ta dusaek ida no aramidenda ti kasta.”
25Simmalog ngarud ni Moises ket imbagana kadagiti tattao ti sinao ti Apo.
Currently Selected:
Exodo 19: RIPV
Highlight
Share
Compare
Copy
Want to have your highlights saved across all your devices? Sign up or sign in
© 1996 Philippine Bible Society
