Mateo 7

Pitapis mana juzganantsikpaq Jesús yachatsikunqan

Lucas 6.37-38, 41-42

1<<Teyta Dios mana juzgayäshunëkipaq nuna mayikikunata ama juzgayëtsu. 2Nuna mayikikunata juzgayaptikiqa Teyta Diosmi qamkunatapis juzgayäshunki. Imanöllam qamkunapis nuna mayikikunata tratayanki tsënöllam qamkunatapis Dios tratayäshunki. 3Nawikikunachö jatun qeru yakarëkaptinqa ¿imanirtaq nuna mayikikunapa nawinchö ichik achu këkaqta rikapëkäyanki? 4Nawikikunachö jatun qeru yakarëkaptinqa ¿imanöparaq kënö niyankiman: <Nawikipita achuta jorqaramushaq>? 5¡Alli tukuq nunakuna! Puntata nawikikunachö këkaq qerutaraq jorquyë. Tsëran alli rikäyanki nuna mayikipa nawinpita achuta jorquyänëkipaq.#7.5 Kë textuchöqa nuna mayintsikpa jutsankunata nawinchö këkaq achumanmi iwalatsin. Kikintsikpa jutsantsiktanam nawintsikchö këkaq qeruman iwalatsin. Nawintsikpita qeruta jorqunantsikpaq nirqa jutsantsikkunata jaqirinantsikpaqmi nikan. Tsënöpam käyitsimantsik jukta juzganantsikpa rantin kikintsikpa jutsantsikkunata jaqirinantsikpaq kashqanta.

6<<Sagrädu kaqtaqa allqukunaman ama jitayëtsu. Perlëkikunataqa kuchikunaman ama jitayëtsu. Jitayaptikiqa kuchikunam jalukuyanqa y allqukunam kanir ushakätsiyäshunki.#7.6 Sagrädu kaqkuna y perlakunaqa Teyta Diospa willakïninmi këkan. Kuchikuna y allqukunaqa Diospa contran kaqkunam kayan.

Mana ajayashpa Teyta Diosta mañakunantsikpaq Jesús yachatsikunqan

Lucas 11.9-13

7<<Mañakuyaptikiqa Teyta Dios qoyäshunkim. Ashirqa tariyankim. Punkuta tsaktakuyaptikiqa kichapuyäshunkim. 8Mañakuq kaqqa chaskinmi. Ashiq kaqqa tarinmi.#Deut. 4.29; 2Crón. 15.2-4; Jer. 29.13. Punkuta tsaktakuq kaqtaqa kichapunmi.

9<<Mëqëkitapis wamrëkikuna tantata mañakuyäshuptiki ¿rumintsuraq tsararkatsiyankiman? 10Pescäduta mañakuyäshuptiki ¿culebrantsuraq qoykuyankiman? 11Qamkuna mana alli ruraq këkarpis wamrëkikunata alli kaqllata qarëkäyaptikiqa ¿manatsuraq ciëluchö këkaq Teytëkinäqa mañakuq kaqta alli kaqkunata qoykunqa?#Juan 14.13-14; 15.7, 16; 16.23-24; 1Juan 3.21-22; 5.14-15.

Nuna mayintsikta shumaq rikänantsikpaq Jesús yachatsikunqan

Lucas 6.31

12<<Imanömi nuna mayiki shumaq rikäyäshunëkita munayanki, tsënölla qamkunapis nuna mayikikunata shumaq rikäyë.#Luc. 6.31. Tsënö kawanantsikpaqmi Moisés qellqashqanchöpis y profëtakuna qellqayashqanchöpis nikan.

Kichki punkuman Jesús iwalatsinqan

Lucas 13.24

13<<Kichki punkupa yëkuyë. Anchu punkupa yëkuqkunaqa jatun nänipam infiernuman ëwëkäyan. Atskaqmi tsë punkupa yëkuyan. 14Kichki punkupa yëkuqkunaqa llanu nänipam gloriaman ëwëkäyan. Wallkaqllam tsë punkupa yëkuyan.

Llutan yachatsikuqkuna pï kayanqanpis

Lucas 6.43-44

15<<Profëta tukuqkunata paqtam chaskiyankiman. Pëkunaqa wanutsikuq löbunö këkarmi üsha tukurkur shayämun. 16Montita wayïninpa reqishqantsiknömi nunakunatapis imanö kawayashqanta rikar reqintsik. Manam kashakunapitatsu üvasta pallantsik ni cardonkunapitatsu hïgusta ëlluntsik. 17Alli montiqa alli frütatam wayun. Mana alli montiqa mana alli frütatam wayun. 18Tsënöllam alli frütata wayuq montiqa mana alli frütataqa wayuntsu. Mana alli frütata wayuq montipis manam alli frütataqa wayuntsu. 19Tsë montitaqa muturir ninamanmi jitëkuntsik.#Mat. 3.10; Luc. 3.9. 20Montita wayïninpa reqishqantsiknömi nunakunatapis imanö kawayashqanta rikar reqintsik.#Mat. 12.33.

Teyta Diosta cäsukuqkunalla pëpa lädunman chäyänanpaq Jesús yachatsikunqan

Lucas 13.25-27

21<<Manam <Señor, Señor> niyämanqanllapitatsu ciëluchö këkaq Teytäpa Mandakïninman yëkuyanqa, sinöqa pë munashqannö kawaqkunallam. 22Juiciu junaqchömi atskaq kënö niyämanqa: <Señor, Señor, qampa willakïnikitam willakurqä. Y qampa shutikichömi supëkunatapis qarqurqä. Jina qampa shutikichömi milagrukunatapis rurarqä>. 23Tsënö niyämaptinmi nishaq: <Qamkunataqa manam reqiyaqtsu. ¡Jutsasapa nunakuna, nöpäpita witikuyë!>#Sal. 6.8.

Cäsukuq nuna y mana cäsukuq nuna imanö kayanqan

Lucas 6.47-49

24<<Ninqäkunata cäsumaq nunaqa qaqa jananchö wayita shäritsiq nunanömi këkan. 25Tsë wayiqa alläpa tamyaptinpis, mayu wakwaptinpis y alläpa vientuptinpis manam juchunqatsu.

26<<Nishqäkunata mana cäsumaq nunaqa aqusha jananllachö wayita shäritsiq nunanömi këkan. 27Tsë wayiqa alläpa tamyaptinmi, mayu wakwaptin y alläpa vientuptin juchurinqa. Tsënöllam mana cäsumaq nuna alläpa ankupëpaq kanqa>>.

28Jesús tsënö yachatsikuptinmi nunakuna alläpa espantakuyarqan. 29Manam ley yachatsiq nunakunanötsu yachatsirqan, sinöqa puëdiq kar shumaqmi yachatsikurqan.#Mar. 1.22; Luc. 4.32.

Currently Selected:

Mateo 7: qwhB

Highlight

Copy

Compare