Popular Bible Verses from Mateo 7

Share

<<Mañakuyaptikiqa Teyta Dios qoyäshunkim. Ashirqa tariyankim. Punkuta tsaktakuyaptikiqa kichapuyäshunkim.

Mañakuq kaqqa chaskinmi. Ashiq kaqqa tarinmi. Punkuta tsaktakuq kaqtaqa kichapunmi.

<<Ninqäkunata cäsumaq nunaqa qaqa jananchö wayita shäritsiq nunanömi këkan.

<<Imanömi nuna mayiki shumaq rikäyäshunëkita munayanki, tsënölla qamkunapis nuna mayikikunata shumaq rikäyë. Tsënö kawanantsikpaqmi Moisés qellqashqanchöpis y profëtakuna qellqayashqanchöpis nikan.

Kichki punkupa yëkuqkunaqa llanu nänipam gloriaman ëwëkäyan. Wallkaqllam tsë punkupa yëkuyan.

<<Kichki punkupa yëkuyë. Anchu punkupa yëkuqkunaqa jatun nänipam infiernuman ëwëkäyan. Atskaqmi tsë punkupa yëkuyan.

Qamkuna mana alli ruraq këkarpis wamrëkikunata alli kaqllata qarëkäyaptikiqa ¿manatsuraq ciëluchö këkaq Teytëkinäqa mañakuq kaqta alli kaqkunata qoykunqa?

<<Teyta Dios mana juzgayäshunëkipaq nuna mayikikunata ama juzgayëtsu. Nuna mayikikunata juzgayaptikiqa Teyta Diosmi qamkunatapis juzgayäshunki. Imanöllam qamkunapis nuna mayikikunata tratayanki tsënöllam qamkunatapis Dios tratayäshunki.

<<Nishqäkunata mana cäsumaq nunaqa aqusha jananllachö wayita shäritsiq nunanömi këkan.

Nawikikunachö jatun qeru yakarëkaptinqa ¿imanirtaq nuna mayikikunapa nawinchö ichik achu këkaqta rikapëkäyanki? Nawikikunachö jatun qeru yakarëkaptinqa ¿imanöparaq kënö niyankiman: <Nawikipita achuta jorqaramushaq>?

<<Profëta tukuqkunata paqtam chaskiyankiman. Pëkunaqa wanutsikuq löbunö këkarmi üsha tukurkur shayämun. Montita wayïninpa reqishqantsiknömi nunakunatapis imanö kawayashqanta rikar reqintsik. Manam kashakunapitatsu üvasta pallantsik ni cardonkunapitatsu hïgusta ëlluntsik.

Alli montiqa alli frütatam wayun. Mana alli montiqa mana alli frütatam wayun.

Tsënöllam alli frütata wayuq montiqa mana alli frütataqa wayuntsu. Mana alli frütata wayuq montipis manam alli frütataqa wayuntsu.

Tsë montitaqa muturir ninamanmi jitëkuntsik.