Ebereeocuru Rai 1
1
Rai Calaohi aina cuaainte cachaauru rai erelu Cana Coaunera.
1Inoaelu jetaote nere bera inoaensihuru profetacuru aina cuaain araaisaain cana inoaensihuru rai ere Cana Coaunera, ecoetacaaeneein mituhelanaala, taba que acaauru sinihu, taba que letonocuru anjeraauru letoae, acaauru rai ecocohin beeuruhane coina, naaonjoaain. 2Nete laen inae enene Calaohi que nere berate Cana Coaunera, Cana Coaunera nihane coitucuhacache itolereneeinne coina. Nii rai Calaohi aina cuaainte, itolere cana rai chauratane, dede, itolere cautene rijihuru, itolere cana janonaa, naaonjoainuri coaaunaain niichuru Curuaanaa neein teelu Cana Coaunera.
3Nihei chunei cacha niqui Cana Coaunera coaraai. Nete caje uhin canaacaanu rene ecooca rai Calaohine jaun, canaacaanu rohan turuaain coaracaanune jaun, “Naaonjoaan Cana Coaunera”, naain coitucuhacaanu, jeelai Cana Coaunera tocohaneein necaohachaain nichao que ichaohane jaun. Acate Cana Coaunera Calaohineein itolere sirichaneein coaaraneein ne. Acate Cana Coaunera Calaohineein caa chauratane que ohelu, jianacoon osa caje cana mitaeranu que. Nitohaneeinte inae osa caje cana mitaeranu que ohane baiha, rai Inaca Cana Coaunera raotono nichajai que rori trono ichoae nelauriaa cuelu.
Anjeraauru amurijiriinte cocoainanojoineein ne Cana Coaunera Calaohi.
4Jataain rai letonocuru anjeraauru cocoainaane amurijiriinte, rai Calaohi cocoainaelu Cana Coaunera, acaauru amurijiriin nihane coina. 5Nitohanihane jaun, nihei chuni letono anjera rai:
“Iite cacalabineein
canuhacha jereineein
canuhacha teineein
nenaaneeicha”,
naain irihei Cana Coaunera. Niheichu chuni letono anjera que:
“Leinjiin acaacha
canu calaohineein nihane janana,
Canu, leinjiin
inaca neein nereeunicha”,
naain irihei Cana Coaunera. 6Caa chauratane que nenacaauru cachaauru que, leinjiin acaacha rai calaohineein nihane coitucueratihane coinate laen:
“Quere tonoraain
canu coroaequichene rijijieein,
jerichanejeein nere tonoraain
coroaaecuche satiin”,
nae, rai letonocuru anjeraauru rai, Cana Coaunera. 7Nii rai letonocuru anjeraauru quete laen:
“Canu letonocuru anjeraaurute laen aiha cujuanane rijijieein, usi rijijieein
naaonjoaain canuhacha jerei icharaneein neeurureein”, nae Cana Coaunera.
8Jana rai Calaohi quete laen:
“Chabana sarinaain
itolere Curuaanaa neein
itolere Coaunera neein neeine.
Chaaen techu
chabana satonoenereein
caohacha ichaain neeine.
9Nii rijijieein techu
caohacha nejesina ichara
curuaanaa neein neeina jaun,
esinae rauhijiriin
baaso ichaain nenacaauru aina nejerateein,
caohacha icharaauru belairiquiin.
Nii coinane
Canu, Itolere Coaunera neein
ii Coauneranichaaune
ii teein neeun,
ii, jataain
leeochaauru amuritoheriin
raotojoeein rachoojoeein
neeine coina”,
nae Cana Coaunera.
10Chaaen techu:
“Ii canuhacha tei
Curuaanaa neeinete,
jauriaanejeein
nunuhe caje coaauneein niha
cana rai chaurutanene coina
aitiin dede coaaunaailu.
11Satiin iicha coaaunanojoite sareein.
Jana iite laen chabana nitajenereeini.
12Inae ecu tihane banate,
siriteein saa cajionene jaohin,
enachasine que coreein jianaa rijijieein,
janonaa coreriquiin.
Nete laen,
ii chabana satonoelanaala
ichaoriquiin”,
naelu rai Calaohi rai Cana Coaunera.
13Nii jaun coatiha chuni, rai letono anjera rai:
“Chajaaute
caraaotono nichajai que nelaauriaena,
ii tijia asaae
iniha nejeratenacaauru
amuritiin te te coaraaicha”,
naailu Cana Coaunera. Chabana nii Calaohi que aitohane rijijieein letono anjeraauru que irihei.
14Nechu raujiaain ichoteratenojoineein nerichaacheeinne rai, cha beraneeichate suujueneein Cana Coaunera tenojoineein neeure rai anjeraauru.
Currently Selected:
Ebereeocuru Rai 1: URA
Highlight
Share
Compare
Copy
Want to have your highlights saved across all your devices? Sign up or sign in
© 2005, 2024, Wycliffe Bible Translators, Inc.
