Génesis 48

Manasee aina Efaraain cojiotaa Jacobone

1Nii baiha neenejeein, inae cunaitiha rai inacane beeuruha Jose raine jaun jetaote, nii coroatajai calaohichuru Manasee, Efaraain, naaonjoaihunri amaain jetao, rai inaca coaraa cue Jose. 2Nii jana jetaote, coaraa turuha nii rai calaohi Josene beeuruha raine jaun jetao, nelararajiaain sininajau nimichuhin jetao, ecu lauheque Jacobo. 3Nitohaneein nimichuhin jetaote, nii calaohi Jose rai:

“Itolere ichana naineraneein nenaa Cana Coaunerate, Canaan batane que nenaa Luz neseu carai ecocohin: 4‘Aonaaun. Canune arajiin calaojoiin nefoerateein neeine coina ii coroatajanereeunni, ii nefoerateeuru caje, lauri laurichuru neeuruha caa atane que ii nefoerateneein nenacaaurune coina. Chaennechu, ii nefoerateeuru rai, caa atane tiha cureeunni, chabana satonoelanaala acaauru raineein nihane coina’, naainte, canu cojiotaelu Cana Coaunera.

5Aihane jaun, caa Egiptoo batane que jaiti iniha turuenihanune jana, ichei nejanoanacaauru ii calaohichuru Efaraain, Manasee, naaojoaihurite, canu calaohichuruneein coitucunojoinecurureein, aihuruha Robeen, Simeeon, naaonjoaihunrine rijijieeincha. 6Caa Efaraain, Manasee, naaojoaihunri siriine baiha iicha sirii ii calaohichurute laen, ii calaohineein neeurureeincha. Nete nii Efaraain, Manasee, naaonjoaihunri ocoalaneein neeuruhane coreniha, jerichanejeein acaauruacha sirii sirichaneein niha cuurureeincha”, nae jetao rai calaohi Jose rai Jacobo.

7Niritiin jetaote: “Padan-aram caje cauha cuhanune jaun, Efarata turuelalajeein, Canaan cuujihanune janate, ecu ohelu ii neba Raquericha. Nii jaunne, nii Efarata enene Belenneein niicha curuaateeuri coero auhaniha conauteein ratirihunra”, naa Jose raine baiha, nii Jose calaohichuru coaariin jetaote:

8“Chaauruna jana caa canaanaihuru”, naain bajaa nii Isaraelineein Cana Coauneraacha curuaatei Jacobone jaun jetaote:

9“Caaurute, caa Egiptoo carai Cana Coauneraacha teeuri canu calaohichurunera Ofa”, naa Josene jaun jetaote:

“Saan. Chajaain atiin cajiha carohan uhanajaaune acaauru cojiotaera”, nae jetao Isaraele, 10inae jataain biinaaneein caohachaain nenotana nainenihane jaun. Niritohane jaun, rohan nii calaohichuru amaa Josene jana jetaote, acaauru que nebalurucaain jetao, nii nichoalacuru meri lioracae nii acaauru rinaja Isaraele. 11Nitohanihane baiha jetaote:

“Inae niqui catohaneein nacoaauneein ichoharaanune coaauhaaunluta. Nena Cana Coaunera jerihane jaun, ichoerejeeuru aina curuaecaain ichoharaanune coina, jaiti ichaoonra”, naa rai calaohi Jose raine jaun jetaote, 12nii inaca curii caje nii calaohichuru elonaain jetao, atane que nauri turuanacanejeein jetao nenoracae Jose.

13Nii baiha jetaote, rai raotono nichajai que Efaraain mucuhin, rai najaabiji nichajai que Manasee mucuhin, naaonjoaain jetao amanajaain, rai inaca rai tenajae Jose. Nii jaun jetaote, acaauru rinaja Isaraele najaabiji nichajai que niha Efaraainne jana, rai raotono nichajai que ne Manasee. 14Ne jetaote, nitohaneein najaabiji nichajai que niha Efaraainne sainejeein jetao, ita ichoae biji raritaain sijitaane jaun jetao, nii rai nocoala Efaraain couturi mucue raotono nichajai que rai rinaja Jacobo. Jana, ninana niha Manasee natiin jetaote, rai najaabiji nichajai que rai couturi mucue.

15Nitohaneein nichohalacuru couturi mucuhin, nii rai calaohi Jose cojiotaain jetaote:

“Carinaja Abaraaun, canu inaca Isaca, naaonjoaihunri Coaunera niicha ere tonoraaurilu,

canu nejanoha caje coaauneein canu coroatajaneraneein nenaa Cana Coaunera,

16chaaen itolere necairichanaa caje canu ichoterateraneein nenaa rai letono anjera naaonjoai,

caa canaanaihuru coroatajanemiin.

Chaaen acaauru aina cuaain, canu, canu inaca Isaca, carinaja Abaraaun, naaonjoaihunri coaucuruhine satiin cachaauru.

Chaaen arajiin calaohichuruhinete, satiin chauratane sacuritaain riaaneein neeurumiin acaauru nefoerateeurura”,

naain jetao calaohichuru aina curuaecaain, raotojoeein niha Josene coina cojiotanajae Jacobo.

17Ne jetaote, nitohaneein nii rai calaohi ocoala Efaraain couturi ichoae rai raotono nichajai tiha nii inaca Jacobone rautaain coaraenihane jaun jetao:

18“Aihei Ofa, caate rai nocoalane. Caa najicha couturi ichoae ii raotono nichajai teeura”, naain nii inaca biji mucuhin, Efaraain couturi caje elonaain Manasee couturi ichoae tenaa jeriha Josene jana jetaote, 19jerelanaala jetao:

“Coitucuhanu natiinne ichaaunra canu calaohi. Nete jerichanejeein acaentonai jataain nelateein neenihuru foerateraneein niha cureeincha. Jana caa rai nocoalate jataain amurijiriin niha cureein, caje nefoeratenacaauru cachaauru jataain arajiin lauri laurichuru niha cuururichaainne jaunra”, nae jetao rai calaohi Jose rai Jacobo.

20Niritohane cojoanotiin cuhane jetaote:

“Isaraele nihanune nefoerateniquichene nefoerateeurute, ita cojiotaauruhane: ‘Efaraain, Manasee, naaonjoaihunri aina ichaane rijijieein ii coroatajanemiin Cana Coaunera’, naain inara coacuhin ita cojiotaauruhane, ita cojiotaaurureeincha”, naain jetao acaauru cojiotae Jacobo.

Nitohaneein jetaote, Manasee amurijiriin niha Efaraainne coina jetao aite, nii Isaraelineein Cana Coauneraacha curuaatei Jacobo.

21Nii baiha jetaote:

“Aonaau. Inae orichaaunnicha. Nete inara aina neein, inara foeratera nichaanune jaan atane que, jelaiha inara cainareein Cana Coaunerara. 22Ii raine, jataain inejeraauru rai tihanune amurijiriin teeun; Amoreeocuru aina sonaana que neein acaauru amuritiin quiicha ruluhilu Siqueen nesene ichei teeunra”, nae jetao Jose rai Jacobo.

Currently Selected:

Génesis 48: URA

Highlight

Compare

Copy