Génesis 36

Esao caje nefoeratenacaauru curuaacuru

(1Cr 1.34-54)

1Caaurute, Esao, Edomineein niicha curuaateeuri foeratenojoihurune. Nii Esao jetaote, Canaan cocoaichacuru benecuru que necoasaijiaelu. 2Acaauru jetaote, Ititiacuru lauri Eloon cacunu Ada, chaaen Ebeocuru lauri Sibeeon nichoala Ana cacunu Aholibama, 3chaaen Isamaeli cacunu, Nebaihori bai Basemata naaonjoaihunri jetaote, Esao comasaineein neeurelu. 4Nii Ada aina Esaocha siriilu jetao, rai calaohi Elifasi. Jana, Basemata aina niicha siriilu jetao Roeli. 5Jana, Aholibama aina niicha siriichuri jetao Jeeos, Jalaam, Core, naaonjoaihunrine. Acaauru jetaote, Canaan batane que ichaoha Esaone bana, ecu nejanoanacaauru rai calaohichurunelu.

6Nii Canaan caje jetaote, inae nejera Jacobo rohan nenaa nainenihane jaun jetao, comasaihuru, cacunucuru, calaohichuru, satiin aina ecu ichaonacaauru, naaonjoaihunri amaain jetao jelai caje amue Esao. Nitohaneein jetaote, satiin nii Canaan ichaohane bana, niicha sirichuri nirihurune maajeein amaain amue, 7jataain arajiin irihocuruha rai nocoala Jacobo aina jiniiquiinne jaun, ita aina ichaonaa nainecurenihane jaun; chaaen inae lenonecuruha nii acaauru irihurune jaanu que teniha nii atane ichaooruhane jaane maajeeine jaun.

8Nii jaun jetaote, Seiri batane bichatane ecuuno que jetao ichaoha cuelu Esao, Edomineein niicha curuaateeuri.

9Caaurute, Esaocha foerateeineein Edomitaauru inoaesihuruneein Seiri batane bichatane ecuuno que jetao ichaoorelu. 10Nitohaneein jetaote, Ada aina Esao calaohinelu jetao Elifasi. Jana Basemata aina Esao calaohilu jetao Roeli. 11Nii jana Esao calaohi Elifasi calaohichuruneein jetaote neeurelu, Teman, Omar, Sefo, Catam, Senaz, naaonjoaihunri. 12Jana comasai rijijieein niicha sirii coseenra, Timnaa aina jetaote, leinjiin calaojoin Amalec neein curuaate Elifasi. Caa Elifasi calaohichuru naasoneein jetaote, nelu Esao comasai nichataja Ada. 13Jana, Roeli calaohichuru jetaote, Nahata, Zera, Sama, Misa, naaonjoaihunrinelu. Nii Roeli calaohichuru naasoneein jetaote, nelu Esao comasai leeocha Basemata. 14Jana, Esao comasai leeocha Aholibama calaohichuruneein jetaote, neeurelu Jeeos, Jalaam, Core, naaonjoaihunri. Nii Aholibama jetaote, Ana cacununeein Sibeeon nichoalanelu.

15Esao caje nefoeratenacaauru laurilauri curuaanaaneein neenihuru jetaote, Esao calaohichuru inana Elifasi calaohichuru Teman, Omar, Sefo, Senaz, 16Core, Catam, chaaen Amalec, naaonjoaihunrinelu. Nii Elifasi caje nefoeratenaaneein nenacaauru jetaote, Edom batane que, curuaanaaneein neenihurune. Satiin acaauru jetaote, Esao aina Ada ichoalacurunelu. 17Esao calaohi Roeli calaohichuru jetaote, Nahata, Zera, Sama, Misa, naaonjoaihunrineein curuaanaaneein neeurelu. Niichuru jetaote, Roeli caje nefoeratenaaneein Edom batane curuaanaaneein neeurelu Esao aina Basemata ichoalacuruneein. 18Ana cacunu, Aholibama aina Esao calaohichuru jetaote, Jeeos, Jalaam, Core, naaonjoaihunrineein curuaanaaneein neeurelu. 19Niichuru jetaote, Esao, Edomineein niicha curuaateeuri ichoalacuruneein satiin laurilaurichuru naineein acaauru curuaanaaneein neeurelu.

20Nii jana, Horeeocuru lauri caje nenaa Seiri calaohichuru, Lotaan, Sobal, Sibeeon, Ana, 21Disoon, Eser, Disaan, naaonjoaihunri jetaote, Seiri batane que ichaoorelu. Niichuru jetaote, Edom batane que nenacaauru Horeeocuru curuaanaaneein, Seiri caje nefoeratenaaneein nenacaaurunelu. 22Nii Seiri calaohi Lotaan calaohichuruneein jetaote, neeurelu Hori, Hemaan, naaonjoaihunri. Lotaan bailu jetao, Timnaa. 23Jeelai Seiri calaohi Sobal calaohichuruneein jetaote, neeurelu Arbaan, Manahat, Ebal, Sefo, Onam, naaonjoaihunri. 24Nii jeelai Seiri calaohi, Sibeeon calaohichuruneein jetaote neeurelu, Aja, Ana, naaonjoaihunri.

Nii Ana jetaote, neniha acaune jaau neeuru jana, rai inaca Sibeeon irihuru cabario rijijieein nenaa asnooru beraihanenajaau jetao acau ajiarojoeriti mitunajaaunru eruherane.

25Nii Ana calaohi curuaa jetaote, Disoon ne. Jana rai cacunu curuaa jetaote, Aholibama ne. 26Nii Ana calaohi Disoon calaohichuru jetaote, Herdan, Esban, Itran, Queran, naaonjoaihunri ne. 27Nii jana, Seiri calaohi Eseri calaohichuruneein jetaote, neeurelu Bilaan, Sabaan, Acaan, naaonjoaihunri. 28Nii jeelai Seiri calaohi Disaan calaohichurulu jetao, Osi, Araan, naaonjoaihunri.

29Nii Horeeocuru curuaanaaneein jetaote neeurelu Lotaan, Sobal, Sibeeon, Ana, 30Disoon, Eseri, Disaan, naaonjoaihunri. Niichuru jetaote, le laurichuru curuaanaaneein jetao neeurelu Seiri batane que.

31Jana acaauru jetaote, jaiti neniha Jacobo nefoerateeuru isaraelitaauru curuaanaacuru reeychurune ajiniha, Edom batane nenacaauru curuaanaa reey churuneein neeururejetelu. 32Nitohanein jetaote, satiin Edom batane curuaanaa reey neein nelu Beor calaohi Bela. Jana rai nenaja nese curuaa jetaote, Dinaaba ne. 33Inae oha nii Belane jana jetaote, coreenraniha curuaanaa reeyneein nelu leinjiin nese Bosra cocoaicha Sera calaohi Jobara. 34Oha nii Jobarane coreeraniha jetaote, curuaanaa reey neein nelu leinjiin Teman batane cocoaicha Hosami. 35Inae oha nii Hosamine coreeraniha jetaote, curuaanaa reey neein nelu nii Mohabitaauru atane que neein ita sooruhane jaun Madiaacuru amuritoeralu Bedara calaohi Hadara. Nii jana rai nese curuaa jetaote, Avit nelu. 36Inae oha nii Hadarane coreeraniha jetaote, reey neein nelu leinjiin nese Maresa cocoaicha Sala. 37Inae oha nii Salane coreeraniha jetaote, reey neein nelu nucuhe Efarata auhaniha nenaa leinjiin nese Reoboto cocoaicha Saoro. 38Inae oha nii Saorone coreeraniha jetaote, reey neein nelu Acabo calaohi Baal-anan. 39Inae oha Baal-ananne coreeraniha jetaote, reey neein nelu leinjiin nese Faoro cocoaicha Hadara. Jana rai comasai Metabel jetaote, Materera cacununeein, Mesaba ichoalanelu.

40Caaurute, Esao calaohichuru, comasaihuru aina laurichuru, curuaacurune: Timna, Alba, Jeteti, 41Aholibama, Era, Finoni, 42Senasi, Temani, Mibasara, 43Madirieri, Irami, naaonjoaihunri jetaote, Edom batane que curuaanaaneein neeurelu, laurilaurichuru natane que curuaajacoaain. Nitohaneein jetaote, acaauru foeratera Esao curuaa leeocha Edom que jetao, nii neeurunaja atane curuaateeurelu.

Currently Selected:

Génesis 36: URA

Highlight

Copy