1 Corĩtu 2
2
Cristu hã, wedepo'o nhonhi'rãmi na dazada idâ'âzé
1Ĩsisãnawã norĩ, 'Re ihâimana u'âsi mono te, sena na simi'uri na rowaihu 're ihâimana mono te aima wasu'u za'ra wa'aba wamhã, ĩmreme ahâ na duré ĩnhimirowaihu'u za'ẽtẽ zarina te aima wasu'u za'ra wa'aba õ di. 2E marĩ wa. Asiré ĩnhamra aba ré hã, wa tô ĩsima rowairébé, uburé marĩ na ĩpo're si'âri da, Zezu Cristuhu ãma si ĩpo're si'âri tõ da, tô wedepo'o nhonhi'rãmi na idâ'âzém na hã. 3Te ãma asabu za'ra wa'aba wamhã, ĩnhib'uware na wa ĩhâiba. Wa duré rẽrẽ, ĩpahi te. 4Ĩnhimirowasu'u hã duré te aima irowahutu za'ra wa'aba zé hã, ti'ai ãma robzanhamri nhipese zarina te aima rowasu'u za'ra wa'aba õ di. Tazahã, 'Re ihâimana u'âsi mono Pẽ'ẽzani nhiptetezé hã te hâi'ré sina. 5Tahawa, Wanhib'apito asina 're i'umnhasi za'ra wa'aba mono zé hã, ti'ai ãma danhimirowaihu'u na isi'uparizéb õ di. 'Re ihâimana u'âsi mono waihu'u pese na si isi'uparizé hã.
'Re ihâimana u'âsi mono te, dahâimanazém na rowaihu iwẽ
6Te aima irowasu'u za'ra wa'aba zé hã, rowaihu isa'ẽne te 're hâimana, isazei'wai hâimanazém na 're iprédub za'ra mono norĩ ma hã. Tane nherẽ, ti'ai ãma danhimirowaihu'u zarinai õ di, duré pire na te te 're ida'madâ'â za'ra mono norĩ hawib õ di, tinhiptede te te oto 're isimini za'ra mono hã. 7Rowaihu iwẽ, wa te dama 're i'mahârâ za'ra mono hã ta hã tô 'Re ihâimana u'âsi mono te, rowaihu iwẽ simi'uri na dawi 're ihâimana mono. Ta hã sõ'awi aré 're hâimana mono õ di. 'Re ihâimana u'âsi mono hã si'uihâ na ma tô pisutu, te te aropoto mono wana ré, taha na wa te ãma wasima 're rowẽ za'ra mono da oto. 8Ti'ai ãma pire na te te 're ida'madâ'â za'ra mono norĩ hã te te 'maiwaihu'u õ di, ã hã rowaihu iwẽ hã. Te te siwi waihu'u 'wa'âhã, Uburé Danhib'apito Danhipai u Iwaihu'u pese uptabi hã te te aré siwi sasõmri õ di, wedepo'o nhonhi'rãmi na dâ'â da hã. 9Tane nherẽ, Ibaihâ Iwazé pese na rob'ui'éré te tinha, ãne:
“Niwa ni'wa te te i'madâ'â õ hã, duré te te iwapari õ hã, duré niwa ni'wa te te ãma irosa'rata waihu'u õ, za iromhâimana na hã, ta hã#2.9 ta hã Ã hã 'Re ihâimana u'âsi mono te te irowa'õtõzé, te wasu'u. ma tô 'Re ihâimana u'âsi mono hã hiri siro, te te 're i'azawi pese mono norĩ ma.”
10Tane nherẽ, wama za'ra si ma tô 'Re ihâimana u'âsi mono hã Tipẽ'ẽzani na hâi'ré ã hã, simi'uri na aré 're ihâimana mono hã. 'Re ihâimana u'âsi mono Pẽ'ẽzani hã uburé marĩ, te te 're awaimrami. 'Re ihâimana u'âsi mono te, rowa'õno i'rowi uptabi 're ihâimana za'ra mono zama te te 're awaimrami. 11Oto ti'ai ãma a'uwẽ norĩ hã, ipẽ'ẽzani iwa 're ihâimana za'ra mono si isimirosa'rada te te waihu'u pese za'ra di. Tane duré, ni'wa hã 'Re ihâimana u'âsi mono nhimirosa'rada te te waihu'u õ di. Ipẽ'ẽzani si te te waihu'u pese uptabi di. 12Wa norĩ hã, ti'ai ãma uburé marĩ na da te 're irosa'rata za'ra mono zé, wa te waibui õ di. Tazahã, 'Re ihâimana u'âsi mono Tipẽ'ẽzani te te wama isõmri za'ra si wa tô waibui ni, uburé marĩ, wa te 're sadaihu'u za'ra mono da, 'Re ihâimana u'âsi mono te te wama 're i'anhomri mono hã, wa'âbâ ãna.
13Tahawa, wa te 're rowasu'u za'ra mono wamhã, 'Re ihâimana u'âsi mono Pẽ'ẽzani te te 're i'awaihu'u mono na si, wa 're wamreme zusi, mare di, ti'ai ãma da te wama 're iwaihu'u za'ra mono zarina hã. Ãne zarina, wa wa te 're rowasu'u za'ra, sena na rowaihu 'Re ihâimana u'âsi mono Pẽ'ẽzani hawim na, Ipẽ'ẽzani ré 're ihâimana za'ra mono norĩ ma. 14Tazahã ni'wa hã, 'Re ihâimana u'âsi mono Pẽ'ẽzani ré hâimana õ wamhã, tãma hâimana waihu'u õ di duré, 'Re ihâimana u'âsi mono Pẽ'ẽzani tinhoprubzé te te dama 're i'anhomri mono hã. Duré tô te te i'azadaihu'u da hã waihu'u õ di. Ã hã tô sena rowaihu hã, tarére na te 're hâimana, taha ma hã. E marĩ wa. Isadaihu'uzé hã, 'Re ihâimana u'âsi mono Pẽ'ẽzani dama 're ihâimana za'ra mono zarina si, te za da te 're sadaihu'u za'ra. 15Ni'wa hã, 'Re ihâimana u'âsi mono Pẽ'ẽzani ré 're ihâimana mono hã uburé marĩ te za te te 're awaihu'u, iwẽ na niwamhã iwasété na. Tane nherẽ, õhõ ãma wamhã, ni'wa ti'ai ãma danhimirosa'rata zarina 're ihâimana mono hã ihâimanazéb zarina i'uwaibaba na te te iwaihu'u da hã waihu'u õ di. 16Ibaihâ Iwazé pese na rob'ui'éré hã te tinha, ãne:
“E ni'wa hã te te waihu'u pese bâ, Uburé Danhib'apito nhimirosa'rada hã. E duré ni'wa hã tinhimiroti na te te pawapto waihu'u pese bâ.”
Tane nherẽ, te wama za'ra hã 're hâimana, Cristuhu te rosa'rada hã.
Currently Selected:
1 Corĩtu 2: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.
