Popular Bible Verses from 1 Corĩtu 2

Share

Tane nherẽ, Ibaihâ Iwazé pese na rob'ui'éré te tinha, ãne: “Niwa ni'wa te te i'madâ'â õ hã, duré te te iwapari õ hã, duré niwa ni'wa te te ãma irosa'rata waihu'u õ, za iromhâimana na hã, ta hã ma tô 'Re ihâimana u'âsi mono hã hiri siro, te te 're i'azawi pese mono norĩ ma.”

Tazahã ni'wa hã, 'Re ihâimana u'âsi mono Pẽ'ẽzani ré hâimana õ wamhã, tãma hâimana waihu'u õ di duré, 'Re ihâimana u'âsi mono Pẽ'ẽzani tinhoprubzé te te dama 're i'anhomri mono hã. Duré tô te te i'azadaihu'u da hã waihu'u õ di. Ã hã tô sena rowaihu hã, tarére na te 're hâimana, taha ma hã. E marĩ wa. Isadaihu'uzé hã, 'Re ihâimana u'âsi mono Pẽ'ẽzani dama 're ihâimana za'ra mono zarina si, te za da te 're sadaihu'u za'ra.

Tane nherẽ, wama za'ra si ma tô 'Re ihâimana u'âsi mono hã Tipẽ'ẽzani na hâi'ré ã hã, simi'uri na aré 're ihâimana mono hã. 'Re ihâimana u'âsi mono Pẽ'ẽzani hã uburé marĩ, te te 're awaimrami. 'Re ihâimana u'âsi mono te, rowa'õno i'rowi uptabi 're ihâimana za'ra mono zama te te 're awaimrami.

Wa norĩ hã, ti'ai ãma uburé marĩ na da te 're irosa'rata za'ra mono zé, wa te waibui õ di. Tazahã, 'Re ihâimana u'âsi mono Tipẽ'ẽzani te te wama isõmri za'ra si wa tô waibui ni, uburé marĩ, wa te 're sadaihu'u za'ra mono da, 'Re ihâimana u'âsi mono te te wama 're i'anhomri mono hã, wa'âbâ ãna.

Ĩnhimirowasu'u hã duré te aima irowahutu za'ra wa'aba zé hã, ti'ai ãma robzanhamri nhipese zarina te aima rowasu'u za'ra wa'aba õ di. Tazahã, 'Re ihâimana u'âsi mono Pẽ'ẽzani nhiptetezé hã te hâi'ré sina. Tahawa, Wanhib'apito asina 're i'umnhasi za'ra wa'aba mono zé hã, ti'ai ãma danhimirowaihu'u na isi'uparizéb õ di. 'Re ihâimana u'âsi mono waihu'u pese na si isi'uparizé hã.