Miqueas 2
2
Yaqa rïcukunata castigananpaq nishqan
1¡Shuyaykuyay hïju! Qamkunaqa punurpis lutanta rurayänalaykipaqmi yarpachakuykäyanki.
Munayashqaykita rurayänaykipaq munayyuq karmi pasa wararkuptinqa yarpäyashqaykino lutanta ruraykäyanki.
2Saymi jukpa chakrankunata acaparaykäyanki.
Runa mayikipa wayintapis qechuykäyanki.
Sayno rurarmi warmintinta surintinta nakaykäsiyanki.
Posisionnintapis mana kuyapaypami qechuykäyanki.
3Sayno kayaptikimi Tayta Dios nin:
<<Noqapis yarpachakuykänami qamkunata castiganäpaq.
Makïpita manami imanöpapis qeshpiyankisu.
Fiyupa nakasiptï orgullösu kaynikipis mä maypashi aywanqa.
4Vincishuqnikikunami kushipäyäshushpayki cantapar niyäshunki:
<Aliraqshi pasaypa ushakäyashkanki.
Diosnikimi chakraykikunatapis qoyämash.
Qamkunata vincirmi qechuyashkä.
Chakraykikunapis noqakunapanami kaykan>.
Sayno nir wiyasipäyäshushpaykimi cantapäyäshunki>>.
5Saynöpami Tayta Dios entregamashqansi nacioncho qamkunataqa pipis posisionta aypuyäshunkisu.
6Tayta Dios sayno castigananpaq kashqanta wilakuptïmi runakuna nikäyäman:
<<Qam nimashqaykinöqa manami imaypis päsayämanqasu.#Isa. 30.10.
7Jacobpita miraqkuna kayaptïmi Tayta Dios noqakunawan rabyakunsu.
Castigayämänanpaq kashqanta wilakuptikipis pay manami castigayämanqasu.
Ali runakuna kayaptïmi payqa imaypis yanapäyämanqa>>.
8Sayno niqkunapaqmi Tayta Dios nin:
<<Qamkunaqa kuyashqä runakuna kaykarmi conträ sharkuykäyanki.
Guërrapita wayinkunaman tranquïlu kutiq runakunapatami mödanantapis qechuykäyanki.
9Kuyaylapaq wayinkunata qechuyänayki kashqami warmikunata qarquykäyanki.
Saynölami wawankunapa herenciankunatapis qechuykäyanki.
10<<¡Qamkunata manami rikaytapis munäsu!
¡Kaypita jukla waqranyäyay!
Kay nacioncho mananami täyankinasu.
Qamkunami jusayuq kaykäyanki kay nacioncho jusalikuyla kananpaq.
Saymi pasaypa ushakäsish kayanki.
11Wakinkuna lulakurmi niyan:
<Tayta Diosmi bendicionta churamunqa vïnupis y ima shinkäsikuqpis aska kananpaq>.
Sayno nir wilakuptinqa profëtaykikuna kananpaq kushishqami chaskikuykäyanki>>.
Kuyashqan runakunata Tayta Dios salvananpaq nishqan
12<<Jacobpita miraq runakuna,
kawaykar quëdaqkunataqa imayka uyshakunata juk pasaman shuntaqnömi nacionnikiman yapay shuntayämushayki.
Shuntamuptïmi walkaqla karpis askaqno büllata rurar kushikuyanki.
13Juklä nacioncho kaykäyashqaykipita kikïmi nacionnikiman pushayämushayki.
Marka punkupa yarquyaptikipis manami pipis sapäyäshunkisu.
Mandaqniki rey karmi puntaykikunata kikï aywashaq>>.
Currently Selected:
Miqueas 2: qvhB
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
