Levítico 1
1
Rupasina sacrificiupita tantiyasishqan
1 Tayta Diosmi Tinkuna Toldupita qayaykur Moisésta nirqan: 2<<Israel runakunata niy: <Mayqanpis Tayta Diospaq uywata apamurqa wäkankunapita karpis uyshankunapita karpis cabrankunapita karpis apamunqa.
3<< <Rupasina sacrificiuta rupasinanpaq apamurqa sänu turïtuta Tinkuna Toldu patiuman apayämunqa. Saynöpami Tayta Diospa shonqunpaqno kanqa. 4Jusankunapita perdonash kayänanpaqmi turïtupa umanman makinkunata churaykur 5Tayta Diospa nawpancho pishtayanqa. Yawarnintanami Aarónpita miraq cürakuna Tinkuna Toldu patiucho kaykaq altarpa lädunkunata saqsupäyanqa. 6Nirkurnami rupasina sacrificiupaq uywata apamuq runa uywapa qaranta jorquskir aysantana cuartusanqa. 7Saypitanami Aarónpita miraq cürakuna altar jananman yantata sulkarkur#1.7 Wakin runakunaqa shankarkur niyan. ninata sarisiyanqa. 8Say jananmannami cuartusashqan aysata, umanta y pacha wirantapis winayanqa. 9Saypitanami uywata apamuq runa uywapa pachanta y chakinkunata maylanqa. Saytapis altar janaman churarkurmi cüra rupasinqa. Say rupasishqanqa rupasina sacrificiumi kanqa. Saypa mushkuyninmi Tayta Diospa shonqunpaqno kanqa.
10<< <Uyshankunapita o cabrankunapita rupasina sacrificiupaq apamurqa sänu orqu kaqta apamunqa. 11Tayta Diospa nawpancho say uywata pishtarqa altarpa norti kaqlänincho pishtanqa. Aarónpita miraq cürakunanami say uywapa yawarninwan altarpa lädunkunata saqsupäyanqa. 12Uywa apamuq runa aysata cuartusaptinmi aysata umantinta y pacha wirantinta altarcho rupaykaq yanta jananman churarkur cüra rupasinqa. 13Saypitanami uywata apamuq runa uywapa pachanta y chakinkunata maylanqa. Saytapis altar janaman churarkurmi cüra rupasinqa. Say rupasishqanmi rupasina sacrificiu kanqa. Saypa mushkuyninmi Tayta Diospa shonqunpaqno kanqa.
14<< <Tayta Diosta adorar pajaqkunapita#1.14 Wakin runakunaqa vuelaqkunapita niyanmi. rupasina sacrificiupaq apamurqa kulkushta karpis o pushapa palumata karpis apamunqa. 15Cüranami say kulkushpa o palumapa umanta jipiskir aysanta altarcho rupasinqa. Yawarnintanami altar nawpanman jutusinqa. 16Ukshintawan plümankunatami altar nawpancho kaykaq uchpaman jitarinqa. Say uchpa jitakunanqa inti jeqamunan kaqlächömi kaykan. 17Nirkurnami ripranpita#1.17 Wakin runakunaqa älanpita niyan. aptarkur pulanpa qasharinqa. Saypitanami altarcho kaykaq yanta jananman churarkur rupasinqa. Say rupasishqanmi rupasina sacrificiu kanqa. Saypa mushkuyninmi Tayta Diospa shonqunpaqno kanqa.
Currently Selected:
Levítico 1: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
