Levítico 2
2
Saki mikuy ofrendapita tantiyasishqan
1<< <Pipis Tayta Diospaq saki mikuy ofrendata apamurqa alinnin kaq jarinata apamunqa. Say jarinaman winapänanpaqmi aceititapis inciensutapis apamunqa. 2Say apamushqantami Aarónpita miraq cürakunata entreganqa. Tayta Dios imaypis yarparänanpaqmi aceitiwan ushmash kaykaq juk aptay jarinata inciensutawan altarcho cüra rupasinqa. Rupasishqanpa mushkuyninmi Tayta Diospa shonqunpaqno kanqa. 3Rupasishqanpita pusuq kaqmi sagrädu kashpan Aarónpaq y paypita miraq cürakunapaq kanqa.
4<< <Jornucho kuwarkur saki mikuy ofrendata apamurqa alinnin kaq jarinapita aceitiwan masaraskir levadüraynaqlata apamunki. Sayta mana apamurqa levadüraynaq llapsha tantata ruraskir aceitiwan lushipashta apamunki.
5<< <Sartincho ankaskir saki mikuy ofrendata apamurqa alinnin kaq jarinapita rurash tantata apamunki. Isanqa levadüraynaqlata aceitiwan sapunki. 6Say ofrendata askaman pakirir aceitita jananman winapanki. Sayqa saki mikuy ofrendami kaykan.
7<< <Caserölacho ankaskir saki mikuy ofrendata apamurqa alinnin kaq jarinapita aceitiwan rurash tantata apamunki.
8<< <Say ofrendakunata kamariskir Tayta Diospaq apamurmi cürata entreganki. Paynami altarman apanqa. 9Tayta Dios imaypis yarparänanpaqmi walkalata altar janancho rupasinqa. Rupasishqanpa mushkuyninmi Tayta Diospa shonqunpaqno kanqa. 10Rupasishqanpita pusuq kaqmi lapan apamushqan ofrendapitapis mas sagrädu kanqa. Say pusuqkunaqa kanqa Aarónpaq y paypita miraq cürakunapaqmi.
11<< <Saki mikuy ofrendata altarcho Tayta Diospaq rupasishpayki levadürawan ama takusinkisu. Ama imaypis Tayta Diospaq rupasinkisu levadürata ni abëjapa mishkintapis. 12Primicia kaptinmi isanqa levadürawan y tinyaqpa mishkinwan takushtapis Tayta Diospaq apamunki. Apamuptikipis altarcho ama rupasiyanqasu.
13<< <Saki mikuypita ofrendata rurarqa kachiyuqta ruranki.#Mar. 9.49. Kachiynaqlataqa ama imatapis rurankisu. Kachiqa qamkunawan Tayta Dios pactu rurashqantami yarpäsiyäshunki. Sayno kaptinmi ima ofrendamanpis kachita winapanki.
14<< <Saki mikuykunapita primiciata Tayta Diospaq apamurqa aqaykur ankashta apamunki. 15Sayman aceititawan inciensuta winapanki. Sayqa saki mikuy ofrendami kaykan. 16Tayta Dios imaypis yarparänanpaqmi say apamushqan saki mikuyta y aceitita walkalata cüra rupasinqa. Saynölami lapan apamushqan inciensutapis rupasinqa.
Currently Selected:
Levítico 2: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
