Habacuc 1
1
1Kaychömi qelqaraykan profëta Habacucta Tayta Dios revelashqan.
Habacuc lakikur manakushqan
2 Tayta Dios, lapan shonqüwan manakamuptïpis ¡imayraq wiyaykamanki!
Sayjina manakaykämuptïpis ¡imayraq yaqa runakunapa makinpita salvayämanki!#Sal. 13.1-2; 73.4-14; Jer. 12.1-4; Apoc. 6.10.
3¡Imayyaqraq mana alikunata rurayashqanta rikashaq!
Kaychöqa wanusinakuyla y ushakäsinakuylami kaykan.
Maysaychöpis rimanakuyla y chikinakuylami kaykan.
4Sayno kawayashpanmi leykunata cäsukuykäyansu.
Saymi ima ruraytapis mana kamäpakuqkunata alquysakuykäyan.
Munashqaykino kawaq runakunatami pasaypa chikiykäyan.
Juezkunapis manami leykuna qelqarashqannösu arreglaykäyan.
Habacuc manakushqanta Tayta Dios contestashqan
5Saymi Tayta Dios nirqan:
<<Wakin nacionkunata ima päsashqantapis tantiyakur pasaypa mansakäyay.
Seqaypa mansariypaq kaqkunata ruranäpaqnami kaykä.
Imano ruranäpaq kashqanta wilayäshuptikipis manami criyiyankipaqsu.#Hech. 13.41.
6Noqami kamakaykäsï Babilonia#1.6 Hebreo idiömachöqa Caldea ninmi. Caldeaqa Babiloniapa jukaq jutinmi kaykan. yaqa runakuna guërrata rurayänanpaq.#2Rey. 24.2.
Paykuna maysaypapis puriykäyan runakunapa wayinkunata y chakrankunata qechurmi.
7Pasaypa mansariypaq yaqami kaykäyan.
Juk nacionman charpis say nacionpa leyninkunata cäsupäyänanpa trukan kikinkunapa leyninkunalatami välisiyan.
8<<Paykunapa cawallunkunaqa tigripitapis masmi cörriyan.
Sakaypa puriq löbu mansaypaq kashqanpitapis mas mansaypaqmi kaykäyan.
Say cawallunkuna loqashqami#1.8 Wakin runakunaqa muntashqami niyanmi. yupaytapis mana atipaypaq puriykäyan.
Chipshaman anka karupita aywaqnömi pelyamanqa karupita pasa aywaykäyan.
9Tinkuyashqan kaqtaqa pïmaytapis wanusiyanmi.
Mayman chäyaptinpis runakuna pasaypami mansariyan.
Prësu sariyashqan runakunapis lamar kuchuncho aqushanöraqmi kaykäyan.
10<<Nación mandaq reykunatapis autoridäkunatapis asipar manakaqmanmi churayan.
Markacho runakuna amparakuyänanpaq murallayashqanta rikar asikuyanmi.
Murälla waqtanman alpata qotuykurmi say markakunaman yaykuyan atacayänanpaq.
11Shukukuy imatapis ushakäsishqannömi pïmaytapis ushakäsiyan.
Tayta Diosman yärakuyänanpa trukan kikinkunapa kalpanmanmi atiënikuyan>>.
Tayta Diosta Habacuc yapay manakushqan
12Tayta Dios sayno niptinmi Habacuc nirqan:
<<Tayta Dios, imaypitapis kawaq santu Diosmi kaykanki.
Imaypis mana ushakaqmi kaykanki.
Sapämaq qaqami kaykanki.
Kikiki yanapaptikimi Babilonia runakuna shayämunqa castigayämänanpaq.
13Sayno kaptinpis qam manami rikaytapis munankisu jusalikur kawaq runakunataqa.
Jusasapa runakunataqa imaypis manami chaskinkisu.
Sayno kaykarqa ¿imanirtaq say yaqa runakunata ushakäsinkisu?
¿Imanirtaq say jusasapa runakuna jusaynaq runakunata wanusiyaptin upälakunki?#Sal. 5.4-6.
14¿Imanirtaq kachapanki lamarcho pescäduta redwan sarirkur apakushqanno runakunata apakuyänanpaq?
¿Imanirtaq kachapanki pipis mana cäsush arashtano wanusiyänanpaq?
15<<Anzuëluwan karpis redwan karpis aska pescäduta sariqnömi maysay nacionpita runakunata wanusir seqaypa kushikuyan. 16Mikunanpaq pusuy pusuy kaptin pescaq runa redninkunata y anzuëlunta adorar sacrificiukunata rupasishqannömi armankunata adorayan y kalpayuq kayashqanpita gäla tukuyan. 17¿Saynölasuraq wanusiyanqa? ¿Saynölasuraq nacionkunata mana kuyapaypa ushakäsiyanqa?>>
Currently Selected:
Habacuc 1: qvhB
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
