Nahum 3
3
1¡Shuyaykuyay hïju Nínive runakuna, kananmi musyayämanki!
Qamkunaqa mana kuyapaypami runakunapa yawarninta mashtaypa mashtayashkanki.
Lulakularmi y runakunata wanusilarmi puriykäyanki.
Mana jamaypami suwakuylaman churakash kaykäyanki.
2Sayno kayashqaykipitami wiyayankipaq sumbadorta pashtasiyaqta,
carrëtakunapa ruëdankuna jaqraraykäyaqta,
cawallukuna patatayla cörriyaqta
y carrëtakuna taqrarayla aywaykäyaqta.
3Saynöpis rikayankipaq cawallun loqash#3.3 Wakin runakunaqa muntash niyan. soldädukuna atacayäshushqaykita,
chipipiqtaraq espädankuna y lanzankuna aptash shamuykäyaqta,
saysika runakuna malograkush kaykäyaqta,
waranqanpa waranqanpa ayakuna jitaraykäyaqta
y yupaytapis mana atipaypaq wanush runakuna mashtaraqta.
Sayno kaptinmi mayman jaruykunaykipaqpis mana kanqasu.
4 Prostitüta warmi kuyaylapaq kar runata engañashqannömi qamkunapis aska markakunata engañayashkanki.
Brüjukunanömi juk nación runakunatapis criyisiyashkanki.
Sayno kayashqaykipitami say desgraciakuna päsayäshunkipaq.
5Saymi lapanta mandaq Tayta Dios niyäshunki:
<<Qamkunapa contraykimi kaykä.
Runakunapa nawpancho ruripanta qaripaptin warmi penqakushqannömi qamkunapis markakunapa nawpancho penqakuyankipaq.
6Saynöpis ismaywan#3.6 Wakin runakunaqa rakchawan niyan. qanratakur runa penqakushqannömi qamkunapis penqakuyankipaq.
7Lapan rikayäshuqniki runakunami qeshpiykur niyanqa:
<¡Nínive marka pasaypa ushakashqami kaykan!
Kananqa ¿piraq say markata kuyapanqa?
¿Pilaraq saycho taq runakunata shoqanqa?>
8<<Nínive runakuna, ¿imanirtaq yarpäyanki Tebas runakunapita mas munayyuq kayashqaykita?
Tebas markaqa kaykan Nilo mayupa nawpanchömi.
Markapa intëru kuchunpa tumarmi say mayu murällano saparan.
9Pipis mana atacananpaqmi Etiopía y Egipto nacionkuna favornin imaypis sharkuyarqan.
Saynölami Fut y Libia nacionkunapis Tebas markata yanapäyarqan.
10Sayno kaptinpis juk nación runakuna vinciykurmi Tebas runakunata prësu apakuyarqan.
Saynölami wamrankunata toqshun pilchiq pilchiq cälli esquïnankunacho paqshirqäriyarqan.
Nirkurmi saycho kaykaq yachaq runakunata prësu apakuyänanpaq suertita jitayarqan.
Saynölami mayor runakunatapis cadinarkur prësu apakuyarqan.
11<<Nínive runakuna, qamkunapis Tebas marka runakunanölami shinkash runano sankapaykachäyankipaq.
Contraykikuna mana sariyäshunaykipaqmi pakakur puriyankipaq.
12Hïgus jachata kuyusir shikwaq kaq wayuyninta mikur ushayashqannömi qamkunatapis ushayäshunkipaq.
Poqush hïgus shikwashqannölami pakakuna törrikikunapis juchur ushakäyanqa.
13Soldäduykikunapis pasaypa warmïshumi rikakuyanqa.
Punkuykikunata nina rupar ushaptinmi wanwanyaraykanqa contraykikuna yaykayämunanpaq.
14<<Upuyänaykipaq yakuta churakuyaptikipis,
marka murälla mas anchu kananpaq perqayaptikipis,
mituta jaruykur tikawan#3.14 Wakin runakunaqa adöbiwan niyan. shumaq sigurayaptikipis
15markaykita rupasirmi qamkunatapis rupasiyäshunkipaq.
Qeshpiq kaqtaqa espädawanmi wanusiyäshunki.
Chakrata malumya pükaypa ushashqannömi qamkunatapis ushayäshunki.
Sayno kananpaq kaykaptinqa ¡soldäduykikuna saysika kayänanpaq shuntayay, ari!
¡Chukluskuna saysika kashqanno kayänaykipaq qamkunapis mirayay, ari!
16<<Qamkuna kaqcho negociantikuna qoyllarnöraqmi askaq kaykäyan.
Sayno kaptinpis chukluskuna punuyshïtunta loqtirir pajar aywakuyashqannömi paykunapis aywakuyanqa.
17Markaykita täpaq soldädukuna y capitannikikunapis saysika chukluskunanömi kaykäyan.
Alaptin perqacho chukluskuna laqaräyashqannömi paykunapis kaykäyan.
Inti jeqarkamuptin chukluskuna pajar aywakuyashqannömi soldäduykikunapis qeshpir aywakuyanqa.
Maycho kayashqanpis manami musyakanqasu.
18<<Asiria nacionpa mandaqnin rey, tantiyakuy ima päsashunaykipaq kashqantapis.
Mandäsishuqnikikuna y soldäduykikunapa capitanninkunapis wanurmi ushakäyanqa.
Soldäduykikunapis jirkakunapa mashtakäyaptin manami pipis shuntananpaq kanqasu.
19Qampaqqa wanuypis janaykichönami kaykan.
Qamqa pïmaytapis mana kuyapaypami nakasishkanki.
Sayno kashqaykipita desgracia päsashushqaykita musyarmi pïmaypis kushipäyäshushpayki paqchipäyäshunki>>.
Currently Selected:
Nahum 3: qvhB
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
