Myaso 99
99
Njambi ikeye Mwene wa Akamwa ya Akamwa
1 #
Kut 25:22
Shukulu Kalunga ikeye mwene,
miyati yoshe inapande kujaja!
Natumbama a litanda lyendi lya vakelumbi va mambava,
asi anapande kundunduma.
2Shukulu Kalunga wapwa wakama mu Siyone,
co ikeye ashika vanu voshe.
3Vashangazale lizina lyendi lya nzili na vukama,
ikeye wapwa wakujela!
4Mwene wa nzili#99:4 MWENE WA NZILI: Nambe, nzili ya mwene. wazema vushunga,
yove unanena kushungama mu Isalele,
kenga ngeci vushunga vulinakulingiwa.
5Shangazaleni Shukulu Kalunga Njambi yetu,
mulemeseni a litanda lyendi!
Ikeye wapwa wakujela!
6Mosesa na Alone vapwile vaka-kukombelela vendi,
Samwele wapwile umo wa vaje
valombelele kuli Shukulu Kalunga,
co ikeye wakumbulwile malombelo avo.
7 #
Kut 33:9
Shukulu Kalunga wendekele kuli vakevo
mu manda ya lishelwa,
vakevo vononokele vukaleo vwa Shukulu Kalunga
na mashiko aje avaanene.
8Yove Shukulu Kalunga Njambi yetu,
yove wakumbulwile malombelo a vanu vove,
wavamwesele ngeci yove wapwa u Njambi
muka-kusambesa,
oloni omo valingile vuvi yove wavahisile.
9Shangazaleni Shukulu Kalunga Njambi yetu,
mulemeseni a lilundu lyendi lyakujela!
Omwo Shukulu Kalunga Njambi yetu
wapwa wakujela!
The Bible in Mbunda ©The Bible Society of Zambia, 2006