Myaso 100
100
Mwaso wakushangazala
Mwaso wa cikandelela
1Imbileni Shukulu Kalunga nakujolela,
yeni vanu voshe muli ano asi!
2Lemeseni Shukulu Kalunga nakujolela,
ijeni kuli ikeye nakwimba myaso yakuvwaelela.
3Zivukeni ngeci Shukulu Kalunga ikeye Njambi,
ikeye watutangele,
co yetu tunapu tu vanu vendi,
tunapu lalo vimanga va ku vutanga vwendi.
4Kandeleleni omo mukovela mu vikolo vya Njuvo yendi,
shangazaleni lalo omo mukovela mu vimbanja vyendi.
Kandeleleni nakushangazala lizina lyendi!
5 #
1 Miz 16:34; 2 Miz 5:13; 7:3; Eze 3:11; Mya 106:1; 107:1; 118:1; 136:1; Njele 33:11 Omwo Shukulu Kalunga wapwa wamuvwa,
na cizemo cendi cije kucesi kutenguluka
cakala ku myaka yoshe,
na kulongwa kwendi lalo kwakala ku myaka yoshe.
The Bible in Mbunda ©The Bible Society of Zambia, 2006