Myaso 98
98
Njambi ikeye Muka-kushwana kaye
Mwaso
1Imbileni Shukulu Kalunga mwaso wauha,
nalingi vyuma vyakukomokesa!
Mu nzili yendi nahyana vyoshe.
2Shukulu Kalunga nambulula kuhyana kwendi,
nasholola nzili yendi yakwamena.
3Co lalo nasholola vushunga vwendi ku miyati,
nanuka cizemo cendi cije kucesi kutenguluka,
na kulongwa kwendi ku vanu va Isalele,
kwamena kwa Njambi yetu vanacimono ano asi oshe.
4Imbileni Shukulu Kalunga nakujolela yeni voshe vaka-asi,
mushangazaleni na myaso na mitambi yakujolela!
5Imbeni nakushangazala Shukulu Kalunga!
Mwimbileni myaso a tulyalya!
6Imbeni malupembo na vimbinga,
co tambekeni nakujolela kuli Shukulu Kalunga,
mwene yetu.
7Mema a kalunga akume na vyoshe vije vilimo,
kaye kaimbe ngwe vanu na vyoshe vije vyakalao!
8Vinzinga vikandelele na mavoko avyo ngwe vanu,
neni lalo malundu imbeni ngwe vanu amolika nakuvwaelela
kuli Shukulu Kalunga,
9omwo akaija nakusompa vanu voshe vali ano asi.
Shukulu Kalunga akashwana vanu voshe vali ano asi mu vushunga.
The Bible in Mbunda ©The Bible Society of Zambia, 2006