Myaso 79
79
Lilombelo lyakwamena muyati
Mwaso wa Asafe
1 #
2 Vim 25:8-10; 2 Miz 36:17-19; Njele 52:12-14 Miyati yeka vanakovela mu lifuti lyove yove Njambi!
Vanajwalesa Njuvo yove yakujela
nakuseza Yelusalema mupulungwa.
2Vanaana mivila ya vangamba vove
ku tuzila ngeci vailye,
na situ ya vaka-kujela vove lalo
vanayana ku vikashama ngeci vailye.
3Vanetila maninga a vanu vove ngwe mema,
maninga etile mu Yelusalema
mwoshe ngwe mema,
co naumo wai wavatsindile.
4Miyati ya vanu vaje vanatuzengeleka valinakutushaula,
nakutujola nakutushendumuna.
5Visimbu vingaijo ukaluvala netu yove Shukulu Kalunga?
Kuma ukaluvala ku myaka yoshe ndi?
Kuma lifuwa lyove likashwama ngwe tuhya ndi?
6Hisa miyati ya vanu vaje kuvakuzivuka,
vanu vaje kuvesi kukulemesa!
7Omwo vanatsii vanu vove nakunyongesa lifuti lyove.
8Kesi utuhise omwo ya vuvi vwa vakukulwila vetu,
tuzivileko mema ku mbunge,
cinyangavili cetu cinahu.
9Tukwase nakutwamena yove Njambi,
tupatule nakutusambesa,
omwo lizina lyove.
10Omwo vikajo miyati vatwihula ngwavo,
“Njambi yeni ali kulijo?”
Linga shambandinga miyati
akutsiya vangamba vove.
11Tolilila kukukemanga kwa vinzinda,
kwete ku mesho ove,
na vukama vwa nzili yove,
amena vaje vavanatumbwila kutsa.
12Shukulu Kalunga hisa
miyati lutanu na luvali akukushaula.
13Asinoni yetu vanu vove,
vimanga va ku vutanga vwove,
tukakukandelela ku myaka yoshe,
nakukushangazala visimbu vyoshe.
The Bible in Mbunda ©The Bible Society of Zambia, 2006