Myaso 67
67
Mwaso wa cikandelela
Mwaso
1Tuzivileko mema ku mbunge nakutuvezikisa yove Njambi,
co tumwese ngozi yove,
2ngeci vanu voshe va asi vazivuke cizango cove,
co lalo miyati yoshe vazivuke kwamena kwove.
3Vanu voshe vakushangazale yove Njambi,
vanu voshe vakushangazale!
4Vanu vajolele,
co vaimbe nakuvwaelela,
omwo yove ukasompo vanu mu vushunga,
nakutwamenena miyati yoshe ya asi.
5Vanu voshe vakushangazale yove Njambi,
vanu voshe vakushangazale!
6Vimbuto vinamene mu livu,
Njambi, uje wapwa Njambi yetu natuvezikisa.
7Njambi natuvezikisa,
vanu voshe kwoshe-ikwoshe vamusingimike.
The Bible in Mbunda ©The Bible Society of Zambia, 2006