Myaso 48
48
Siyone nganda ya Njambi
Mwaso wa cikota ca Kola
1Shukulu Kalunga ikeye wakama,
vanapande kumushangazala manene,
mu nganda ya Njambi yetu,
a lilundu lyendi lyakujela.
2 #
Mat 5:35
Siyone munkinda wa Njambi,
ukewo uli kulyala ku kunto,
co lalo wauvwa,
nganda ya mwene wakama
inena kujolela mu kaye mwoshe!
3Njambi namwesa ngeci,
kuje kwali kuli kwoloka.
4Vimyene valikungulwile amolika,
mukulwisa Munkinda wa Siyone.
5Oloni omo vaumwene,
co valikomokelele manene,
vakele na lyova vatewele.
6Lyova lyavakolele nakukemanga,
ngwe munakazi akita mwana.
7Ngwe lihunzi lya mu ngangela
litavozola mato akama a ku Tashishi.
8Tunazivi vije vyalingile Njambi,
co ololo tunavimono
mu nganda ya Njambi yetu,
Shukulu Kalunga Muka-nzili yoshe,
ikeye akanyunga mwamuvwa nganda ku myaka yoshe.
9Tuyongola cizemo cove cije kucesi kutenguluka yove Njambi,
mukati ka Njuvo yove.
10Vanu valinakukushangazala kwoshe-ikwoshe,
co lutsimo lwove lunashandokela ano asi oshe.
Yove washwana mu vushunga.
11Munkinda wa Siyone ujolele!
Vana va vanakazi va ku Yunda vavwaelele,
omwo kusompa kwove kwapwa kwa vushunga!
12Vanu va Njambi zengulukeni Munkinda wa Siyone
co laveni tuposhi twawo,
13kengeni mwamuvwa vivumbe vyayo,
co iluleni mwamuvwa vimpaka,
ngeci mukase kuleka cisemwa ca kulutwe ngweni,
14“Ou Njambi wapwa Njambi yetu ku myaka yoshe,
akatutwamenena ku visimbu vyoshe.”
The Bible in Mbunda ©The Bible Society of Zambia, 2006