Myaso 47
47
Muka-kushwana wakama
Mwaso wa cikota ca Kola
1Kandeni mavoko eni yeni vanu voshe!
Shangazaleni Njambi na tun̄alavela!
2Omwo Shukulu Kalunga
wa Akamwa ya Akamwa wapwa wakukomokesa,
ikeye mwene wakama uje ashwana ano asi oshe.
3Ikeye watwasesele kufungulula vitozi vetu,
ikeye watwasesele kushwana miyati yoshe.
4Ikeye watwangwilile lifuti muje mutuli nakukala,
vushwana vwakulyalesela vanu vendi vaje vazema.
5Njambi aya ku litanda lyendi lya vumwene!
Kuli mitambi yakujolela nakwimba malupembo,
omo Shukulu Kalunga alamata kwilu!
6Imbeni myaso yakushangazala Njambi.
Imbeni myaso yakushangazala mwene yetu!
Imbeni myaso yakushangazala.
7Njambi ikeye mwene wa ano asi oshe,
mulemeseni na myaso!
8Njambi natumbama a litanda lyendi lyakujela,
ikeye alinakushwana miyati yoshe.
9Vaka-kushwana miyati ya vanu
vanakunguluka amo na vanu va Njambi ya Avilahama,
omwo vintelo vyoshe vya asi vyakundama kuli Njambi,
ikeye wakama manene.
The Bible in Mbunda ©The Bible Society of Zambia, 2006