Myaso 3
3
Lilombelo lya mutondo lyakukwasa
Mwaso wa Ndaviti omo watewele munendi Avisalome
1Yove Shukulu Kalunga,
vitozi vange vavangi manene,
vaje vananjikatukila nakunjilwisa!
2Valinakwendeka ali yange ngwavo
kunjesi na vukwasi kuli Njambi.
3Oloni yove Shukulu Kalunga,
simbu yoshe wapwa u ntelo yange
yakunjizikinina ku vushonde,
yove unjihyanesa nakunjitakamesa.
4Njitambeka kuli Shukulu Kalunga mukunjikwasa,
co anjikumbulula kutunda
ku lilundu lyendi lyakujela.#3:4 LILUNDU LYENDI LYAKUJELA: Kenga 2:6.
5Njilala nakuya mu tulo,
co ku mutondo njinduka omwo Shukulu Kalunga
akanjinyungu.
6Kunjesi na lyova lya vitozi vavangi-vangi
vaje vananjizengeleka mukulwa nange.
7Ija yove Shukulu Kalunga!
Njamene yove Njambi yange!
Hisa vitozi vange voshe,
vatundise nzili yavo yakunjivulumuna.
8Kwamena kwatunda kuli Shukulu Kalunga,
Shukulu Kalunga avezikise vanu vendi!
The Bible in Mbunda ©The Bible Society of Zambia, 2006