Myaso 2
2
Mwene yanaangula Njambi
1Omwo vikajo vanu vatumba vutumbe vwangoco
vwakutengulukila Shukulu Kalunga?
2 #
Vil 4:25-26
Vimyene va ano asi vanaangunuka,
vaka-kushwana vanalikungulwila amo,
nakutumba matumbe amavi akulwisa Shukulu Kalunga,
na wakuvwavesa wendi, co vendeka ngwavo,
3“Tutundeni kukushika kwavo, nakuvyana mashiko avo.”
4Shukulu Kalunga uje wakala mwilu akavajola
nakuvashendumuna.
5Akendeka navo na vukalu nakuvajujwisa na vukalu vwendi
vwakama ngwendi,
6“Njinaka mwene yange a Siyone,#2:6 SIYONE: Siyone ikeyo Nganda ya Ndaviti ije akulivanga yapwile nganda ya vaNjevushi, oloni mashwalale va Ndaviti vaifungulwile. Siyone lalo ilumbunuka mwela aje avatungilile Njuvo ya Shukulu Kalunga.
lilundu lyange lyakujela.”
7 #
Vil 13:33; VaHe 1:5; 5:5 “Njikambulula vilongesa vya Shukulu Kalunga,
ikeye wendekele ngwendi, ‘Yove unapu u munange,
litangwa lya lelo njinapu nji isho.
8Njilombe, co njikakwana miyati yoshe
kupwa vushwana vwove,
co kaye koshe kakapwa vufuko vwove.
9 #
Kuj 2:26-27; 12:5; 19:15 Ukavapokola na mulamu wa cikuvo,
nakuvasanyozola vimbazuvwila-mbazuvwila,
ngwe vitambi vya ndeo ya vuma.’ ”
10Yeni vimyene mweseni ngeci munazivisisa majwi awa,
yeni vaka-kushwana,
tolilileni mwamuvwa kukunangula oku.
11Pangeleni Shukulu Kalunga nakujaja,
12tsembeni myanja yendi,#2:12 TSEMBENI MYANJA YENDI: Nambe, nakujaja tsembeni mendi endi, tsembeni mwana nakujaja, tsembeni Muka-nzili yoshe nakujaja.
kutewa aluvala ngeci munyonge vwasi-vwasi,
omwo vukalu vwendi vushwama vwasi.
Vavezika voshe vaje vatewela muli ikeye.
The Bible in Mbunda ©The Bible Society of Zambia, 2006