Myaso 29
29
Lijwi lya Shukulu Kalunga mu lihunzi
Mwaso wa Ndaviti
1Shangazaleni Shukulu Kalunga, yeni tungelo,
shangazaleni vumpau vwendi na nzili yendi.
2 #
Mya 96:7-9
Shangazaleni lizina lya vumpau lya Shukulu Kalunga,
shangazaleni Shukulu Kalunga
na vuzalo vwakumulemesa navwo.
3Lijwi lya Shukulu Kalunga vakalizivi
akamwa ya mema a kalunga,
Njambi wa vumpau aluma,
na lijwi lyendi lili akamwa ya mema a kalunga.
4Lijwi lya Shukulu Kalunga lili na nzili,
lijwi lya Shukulu Kalunga lyashula na vumpau!
5Lijwi lya Shukulu Kalunga lipokozola miti ya kendale,
nameme miti ya kendale ya ku Lembanone.
6Njambi akajajesa minkinda ya Lembanone
ngwe mwakatumbozoka muna ngombe,
co akajajesa Helemone ngwe mwakatumbozoka
muna mpakasha.
7Lijwi lya Shukulu Kalunga litwa ceke ngwe milangi ya tuhya.
8Lijwi lyendi lijajesa mambo,
ikeye ajajesa mambo ya Kandeshe.
9Lijwi lya Shukulu Kalunga lisemukisa vishonge,
litotomwesa maputa a miti nakuseza vikalavanzi lika,
co munu woshe ali mu Njuvo ya Shukulu Kalunga
ashangazala ngwendi, “Vumpau kuli Njambi.”
10Shukulu Kalunga ashwana akamwa ya mema akulova,
ikeye ashwana ngwe mwene ku myaka yoshe.
11Shukulu Kalunga akana nzili kuli vanu vendi,
nakuvavezikisa kwoloka.
The Bible in Mbunda ©The Bible Society of Zambia, 2006