Myaso 28
28
Lilombelo lyakukwasa
Mwaso wa Ndaviti
1Njitambeka kuli yove Shukulu Kalunga cimpaka cange.
Tolilila ku mutambi wange!
Kesi unjolokele kuluu.
Nga woloka kuluu kujeneka kunjikumbulula,
co njikafwa ngwe vaje vashelumuka mu vukalo vwa vatsi.
2Njitolilile omo njitambeka kuli yove ngeci unjikwase,
omo njolola mavoko ange ku Njuvo yove yakujela.
3Kesi unjihisile amo na vaka-vuvi,
amo na vaje vaka-kulinga vuvi,
vanu vaje vaka-majwi akuseveleka,
oloni vimbunge vyavo vinashulu na vizindo.
4 #
Kuj 22:12
Vahise ngwe ku vije vivanalingi,
a vuvi vuje vuvanalingi.
Vahise a vilinga vyavo vyoshe,
vahise ngwe ku vilinga vyavo!
5Omo kuvesi nakwaka mbunge ku vije vyanalingi
Shukulu Kalunga,
nambe ku vije vyanatangele,
ngecivene, akavahisa nakuvanyongesa ku myaka yoshe.
6Vamushangazale Shukulu Kalunga,
omwo nazivi mutambi wa lilombelo lyange!
7Shukulu Kalunga akanjinyungu nakunjamena,
njinakulaela kuli ikeye.
Ikeye anjikwasa nakunjivwaelelesa,
co njikaimba mwaso wakumushangazala.
8Shukulu Kalunga akanyungu vanu vendi,
ikeye akamena nakwovola mwene uje yanavwavesa.
9Shukulu Kalunga amena vanu vove,
co vezikisa vaje voshe vanapu vove.
Pwa kanyungi kavo,
vanyunge ku myaka yoshe.
The Bible in Mbunda ©The Bible Society of Zambia, 2006