Myaso 23
23
Shukulu Kalunga ikeye Kanyungi ketu
Mwaso wa Ndaviti
1Shukulu Kalunga ikeye Kanyungi kange,
navimo vyai njijeneka.
2 #
Kuj 7:17
Anjihwimisa a mwila wakuzivuluka,
nakunjitwamenena ku mema a kwoloka.
3Anjana mwonyo wauha.
Anjitwamena mu vingila vyakushungama,
omwo ya lizina lyendi.
4Nameme nga njenda mukati ka vutsiki mu lisusulungu,
kunjikazivi lyova, Shukulu Kalunga,
omwo yove uli amo nange!
Mulamu wove na mbweti yove vinjizembeleka.
5Unanjivwaesela mesa ku mesho a vitozi vange,
unanjana vivezikiso ngwe munu uje ivanavwavesa.
6Mwa vushunga vuvwa na cizemo
vikanjikava matangwa oshe akuyoya kwange,
co njikakala mu Njuvo ya Shukulu Kalunga
myaka yoshe yakuyoya kwange.
The Bible in Mbunda ©The Bible Society of Zambia, 2006