Myaso 1
1
LIVULU LYAKULIVANGA
(Myaso 1—41)
Kuvwaelela kwa vushunga
1Navezika munu uje avyana kunangula kwa vaka-vuvi,
munu uje kesi kutembunwina vingila vya vaka-vuvi,
nambe kukala mu munga ya vaka-kuyeluwisa Njambi.
2Oloni ikeye avwaelela mukwononoka lishiko lya Shukulu Kalunga,
co aliyongola mutanya na vutsiki.
3 #
Njele 17:8
Munu wa cifwa eci napu ngwe muti wakukuna ku vana va vindonga vya mema,
muti uje wima vushuka vwawo a simbu yawo,
na maputa awo lalo kuwesi kujujwama.
Munu wa cifwa eci avezika mu vyoshe vyakalingi.
4Oloni vaka-vuvi kuvesi ngeci embwe,
vakevo vanalifu na lijungu lije lilinakupekumuka na lihunzi.
5Vaka-vuvi Njambi akavahisa, co Njambi akavaangununa ku vanu vendi.
6Mwa vushunga Shukulu Kalunga azivuka ngila ya vaka-vushunga,
oloni ngila ya vaka-vuvi ikanyonga.
The Bible in Mbunda ©The Bible Society of Zambia, 2006