Visimo 26
26
1Kushangazala cilema kunapu ngwe mema akukonda a nyangao, nambe ngwe nyonzi ya a simbu ya kuteja.
2Visingo kuvyasa kuvulumuna munu wakujeneka mulonga. Vinapu ngwe tuzila vaje vapulula lika a mukambwila, kujeneka kutongama.
3Kavalu na cimulu vanapande kuvapupa, nakuvaka cikuvo mu kanwa, mukemwo vene vanapande kulinga na cilema.
4Kesi ukumbulule cilema ngwe ku vulema vwendi, kutewa nove lalo ufwa ngwe ikeye.
5Kumbulula cilema ngwe ku vulema vwendi, ngeci kesi alimone kunyanyama.
6Uje atuma cilema napu ngwe munu nalivatozola mendi endi, nambe ngwe munu uje nanu mwaze.
7Ngwe mendi a munu wakutenguka, mukemwo mwanafu na majwi a mana atunda mu kanwa ka cilema.
8Kusingimika cilema kunapu ngwe uje akutiiya limanya a lekeni.
9Cisimo cakutunda mu kanwa ka cilema, cinapu ngwe muka-kupenda uje eseka kutundisa limbimbo mu livoko lyendi.
10Muka-kwana ngoco vipangi ku vilema nambe kuli vaje valiitila mu ngila, napu ngwe munu ali na vuta vwa lusipa uje asha-asha mikili ngoco.
11 #
2 Pet 2:22
Cilema uje alinga lalo vya vulema vwendi, napu ngwe katali uje elukila lalo vije vyanashanjele.
12Cilema natuvakana munu uje aliyongola ikeye vavenya ngeci napu muka-mana kuma kesi nao.
13Muka-vulwa atumbama mu njuvo nakwendeka ngwendi, “Anja ali ndumba.”
14Lipito likatenguluka-tenguluka a vikete vyalyo, oloni mulwa ikeye akatenguluka-tenguluka a vulili vwendi. 15Vanu vamo vapwa vaka-vulwa mukujundula livoko ngeci vaake vyakulya mu kanwa.
16Mulwa akayongola ngwendi napu wakunyanyama kutuvakana vanalume vatanu na vavali, vaje vasa kuyongola viyongola vyavivwa.
17Kukokangeya katali ku matwi kunapu ngwe kukovela mu vin̄anda vije kuvyakupandamene.
18Munu uje akwisa mukwavo, co endeka ngwendi, “Njinakele nakulinga lika sanda,” 19napu ngwe munu wakuzaluka uje asha mikili yakuvambuka.
20Nga vitale vyai tuhya tuzima, co nga lufwe lwai, kulijokota kulikela.
21Manungu akwenyuka amo na vitale vikashangumuna tuhya, na muka-lwozi lalo akashangumuka vimata.
22Majwi a muka-kufweya anapu ngwe vyakulya vyakutovala, akakovela mwimo.
23Majwi a civembulu, na mbunge ya vuvi, vinapu ngwe siliva ya kujelesa ije vanafwiki a ndeo ya vuma ya seo.
24Muka-civembulu akashweke cizindo cendi na majwi akuseveleka. 25Majwi endi asa kupwa amavwa, oloni kesi uwakulaele, omwo mbunge yendi inashulu manene na cizindo. 26Munu wa cifwa eci asa kushweka cizindo cendi, oloni vanu voshe vasa kumona vyuma vyavivi vije vyalinga.
27Vanu vaje vatela vakwavo myeto vatsamo vakevo vavenya. Co vanu vaje vashangumuna limanya ngeci lyandumuke, limanya lije likavandumukila vakevo vavenya.
28Nyanyama na munu uje endeka makuli na majwi akuseveleka, majwi a cifwa eci, anena lika luvinda.
The Bible in Mbunda ©The Bible Society of Zambia, 2006