Mika 4
4
Kushwana kwa kwoloka kwa Shukulu Kalunga
(Isa 2:1-4)
1Mu matangwa a kulutwe
munkinda aje ali Njuvo ya Shukulu Kalunga,
ukapwa waulaja manene kutuvakana malundu oshe,
miyati ya vanu vavangi vakaija kuukewo,
2co vanu vawo vakendeka ngwavo,
“Tulamateni a lilundu lya Shukulu Kalunga,
ku Njuvo ya Shukulu Kalunga Njambi ya Isalele.
Omwo akatulongesa vije vyashaka ngeci tuvilinge,
tukenda mu vitapalo vyanaangula.
Omwo vilongesa vya Shukulu Kalunga
vitundilila mu Yelusalema,
akendeka ku vanu vendi kutundilila mu Siyone.”
3 #
Njwe 3:10
Asinoni akasompa vin̄anda akati ka miyati ya vanu,
nakupwa muka-kusompa wa miyati yakama ya vanu kuyehi na kulyala.
Vakafula mikwale yavo kupwa matemo,
na makunga kupwa vimoko vyakunongesa miti.
Miyati ya vanu kuvakalilwisa umo na mukwavo,
co kuvakalilongesa kulwa nzita lalo embwe.
4 #
Zak 3:10
Vakakala mu kwoloka
akati ka mikolovozi ya vushuka vwa vinyu yavo
na miti ya mikuyu yavo,
co naumo wai akavazivisa lyova.
Shukulu Kalunga muka-nzili yoshe nakulaesa eci.
5Muyati woshe wa vanu valemesa nakwononoka njambi yavo wa kamponya, oloni yetu tukalemesa nakwononoka Shukulu Kalunga Njambi yetu ku myaka yoshe.
VaIsalele veluka kutunda mu vunzinda
6Shukulu Kalunga alinakwendeka ngwendi, “Simbu ilinakwija, omo njikakungulula vanu vaje vanjanyanyamesele, vaje vayandelele mu vunzinda. 7Njikatengulula vaje vilema kupwa vanu vakukulaela. Oloni njikashangumuka mwamuha na vaje vanasalao, co vakapwa muyati wakama. Co njikavashika a Munkinda wa Siyone tunde aje na ku myaka yoshe.”
8Ngwe ali yove Yelusalema, muje mwalinakunyungila Njambi vanu vendi, ngwe kanyungi ali a kaposhi kendi mukunyunga vanu vendi, ukapwa nganda yakama ya vumwene vuje vwapwile vwove akulivanga. 9Omwo vikajo ulinakulilila nakutendeka? Omwo vikajo ulinakuyandela ngwe munakazi ali a funga? Omwo kuwesi na mwene, co lalo na vaka-kunangula vove vanatsi ndi? 10Yeni vanu va mu Yelusalema ziveni mushongo nakulinyenga ngwe munakazi ali a funga, co ololo mukaseza nganda nakukakala mushandangala yangoco. Mukaya ku Mbambilone, oloni kuje Shukulu Kalunga akamyamena ku vitozi veni. 11Miyati ya vanu vavangi vanalikungulula nakumilwisa. Vendeka ngwavo, “Yelusalema vanapande kuyinyongesa! Tukamona ije nganda inanyongo!” 12Oloni miyati ije, kuvazivuka viyongola vya Shukulu Kalunga. Kuvanangukile ngeci vanalikungulula amolika mukuvanyanyamesa mu cifwa cimolika muje muvakanena tiliku kukujungula.
13Shukulu Kalunga alinakwendeka ngwendi, “Vanu va mu Yelusalema, yeni nakunyanyamesa vitozi veni! Njikamitakamesa ngwe ngombe wa nkomba wa vimbinga vya vutale na vimbemba vya vunengu. Mukatsena miyati yaingi ya vanu na vufuko vwavo na nzita, co mukavwana kuli yange Kalunga wa kaye koshe.”
Currently Selected:
Mika 4: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
