Mika 5
5
1Vanu va mu Yelusalema, kungululeni mashwalale veni! Vanatuzengeleka! Valwisa ntwama wa Isalele!
Njambi akulaesa muka-kushwana kutunda ku Mbetelehema
2 #
Mat 2:6; Yow 7:42 Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”
3Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele. 4Omo akaija, akashwana vanu vendi na nzili yakutunda kuli Shukulu Kalunga na vukama vwavavenya Shukulu Kalunga Njambi. Vanu vendi vakakala mu kwoloka omwo vanu va mu kaye mwoshe vakamona vukama vwendi, 5co ikeye akanena kwoloka.
Kwamena na cihiso
Omo vaAsilya vakazengeleka lifuti lyetu nakuvujula vivumbe vyetu, co tukalanya vantwama vetu va nzili ngeci vakuvalwise. 6#Kus 10:8-11 A nzili ya vitwa vakafungulula Asilya, na lifuti lya Nimelonde, co vakatwamena kuli vaAsilya omo vakovela mu lifuti lyetu.
7Vanu va Isalele vaje vasaleleo vakapwa ngwe lime lyakutunda kuli Shukulu Kalunga lya a miyati yoshe ya vanu, ngwe nyonzi ya vusuku-mbundu ya a vimena. Vakakenga lika kuli Njambi, kesi kuli munu. 8Co vaje vasaleleo vakapwa akati ka miyati ya vanu ngwe ndumba ashakezeka tusitu mu shwata nambe ngwe ndumba ali akati ka vimanga, avakwata, co avasanyozola vimbazuvwila-vimbazuvwila, co kukwesi umo akavamena. 9Isalele akafungulula vitozi vendi nakuvanyongesa voshe njwa.
10Shukulu Kalunga alinakwendeka ngwendi, “A litangwa lije njikambata tuvalu tweni nakunyongesa matemba eni. 11Njikanyongesa vinganda vya mu lifuti lyeni nakusiwula vimpaka vyeni vyoshe. 12Njikanyongesa vyemba vyeni, co kumukakala lalo na vimbanda. 13Njikanyongesa tumponya tweni na vimanda vyeni vya mamanya vyakujela, co kumukalemesa lalo vyuma vije vimukapanga. 14Njikasiwula vimweso vya Ashela njambi wa munakazi mu lifuti lyeni nakunyongesa vinganda vyeni. 15Co mu vukalu vwange vwakama njikalinga shambandinga miyati yoshe ya vanu vaje kuvanjononokele.”
Currently Selected:
Mika 5: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
