Mateo 17

Kulimuka kwa Yesu

(Mako 9:2-13; Luka 9:28-36)

1 # 2 Pet 1:17-18 Co omo kwetile matangwa atanu na limo Yesu waile amo na Petulu na Yakomba na Yowano ndolome ya Yakomba, co wavatwamenenene kulamata akamwa ya munkinda waulaja kwavo lika. 2Co omo vamukengele, wemukile mweka ku mesho avo, co cihanga cendi cavyazimine ngwe misha ya litangwa, na vuzalo vwendi vwatokele too ngwe ceke. 3Co vaje vandongisi vatatu vamwene Mosesa na Elinja valinakusimutwiya na Yesu. 4Ngecivene, Petulu wendekele na Yesu ngwendi, “Mwene, mwamuvwa kuli yetu omo tuli kuno! Nga ushaka, njitunga mambalanda atatu, limo lyove, limo lya Mosesa, limo lya Elinja.”

5 # Kus 22:2; Kwi 18:15; Mya 2:7; Isa 42:1; Mat 3:17; 2:18; Mak 1:11; Luk 3:22 Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

6Omo vandongisi vazivile lijwi, vazivile lyova manene, co vavulumanene. 7Oloni Yesu wezile kuli vakevo wavakambekele mavoko, wendekele kuli vakevo ngwendi, “Katukeni, co kesi muzive lyova!” 8Ngecivene, omo vandwile mesho avo kuvamwene munu weka lalo, oloni kuvanga Yesu lika.

9Co omo vatundile ku munkinda, Yesu wavasin̄ikile ngwendi, “Kesi mukalekeko munu umo a vyuma evi munamono, kuvanga noo Muna Munu nasanguka ku vatsi.”

10 # Mal 4:5 Co vandongisi vendi vamwihwile ngwavo, “Omwo vikajo valongisi va majwi a Lishiko vakendeka ngwavo Elinja napande kwija akulivanga?”

11Yesu wavakumbulwile ngwendi, “Elinja napande kwija akulivanga nakuvwaesa vyoshe. 12#Mat 11:14 Oloni njimileka ngwange Elinja naija laja, vanu kuvamuzivukile, oloni vamulingile mwoshe muvashakelele. Ngecivene, mu ngila eyi vene vakayandesa Muna Munu.”

13Asinoni vandongisi vazivukile ngeci nendeka navo vya Yowano Muka-kumbwitika.

Yesu akangwisa mukwenje wakele na munzinzime wakujwala

(Mako 9:14-29; Luka 9:37-43a)

14Co omo vetele kuje ku mbunga ya vanu, munalume umo wezile kuli Yesu, watsikamene a mavuli 15wendekele ngwendi, “Shukulu, zivilako munange mema ku mbunge! Omwo ali na mushongo wauvi wakushinya omwo visimbu vyavingi akalyumbila-umbila mu liko na mu mema. 16Co njamutwalele kuli vandongisi vove, oloni kuvasele kumukangwisa.”

17Co Yesu wakumbulwile ngwendi, “Yeni vaka-kujeneka kukulaela, vanu vaka-vuvi! Visimbu vingaijo njikakala neni? Visimbu vingaijo njinapande kuyanda omwo yeni? Muneneni kuno kuli yange!” 18Co Yesu washikile uje munzinzime wakujwala, co uje munzinzime wakujwala watundile muli ikeye, co uje mukwenje wakangukile a simbu ije vene.

19Asinoni vandongisi va Yesu vezile kuli ikeye kwavo lika, vamwihwile ngwavo, “Omwo vikajo yetu kutwasele kutundisa uje munzinzime wakujwala?”

20 # Mat 21:21; Mak 11:23; 1 Koli 13:2 Yesu wavalekele ngwendi, “Omwo kukulaela kweni kwakundondo. Mwa vushunga njimileka ngwange nga kukulaela kweni kunapu kwakama ngwe kanona ka mbuto ya musalata, mwasa kwendeka ku munkinda ngweni, ‘Tunda kuno, ya kuje.’ Co ukaya, co nga nacimo cai cimukonwa! 21Oloni ou munzinzime wakujwala wangeci, kuwesi kutunda na cuma ceka, kuvanga nakulomba nakulikela kulya.”#17:21 OLONI OU...NAKULIKELA KULYA: Kunungulula kumo vesi 21 yaimo.

Yesu endeka lalo a kutsa kwendi

(Mako 9:30-32; Luka 9:43b-45)

22Omo vandongisi valikungulwile amo mu Ngalileya, Yesu wendekele kuli vakevo ngwendi, “Muna Munu ololo vamwana ku mavoko a vanu, 23co vakamutsiya, oloni omo kuneti matangwa atatu akasanguka.”

Co vandongisi vazivile vusiwa vwakama manene.

Kufweta lisimu lya mu Njuvo ya Shukulu Kalunga

24 # Kut 30:13; 38:26 Omo Yesu na vandongisi vendi vezile ku Kapenauma, vaka-kutambula lisimu va mu Njuvo ya Shukulu Kalunga vezile kuli Petulu vamwihwile ngwavo, “Kuma mulongisi weni akafwete lisimu lya mu Njuvo ya Shukulu Kalunga ndi?”

25Ikeye wavakumbulwile ngwendi, “Mwa vushunga akafwete.”

Co omo Petulu wakovelele mu njuvo, Yesu walivangele kwendeka nendi ngwendi, “Simoni, yove wayongola vatijo? Kuli veyajo vimyene va ano a kaye kuvakatambula lisimu? Ku vanu vavo, nambe ku vangenzi?”

26Petulu wamukumbulwile ngwendi, “Ku vangenzi.”

Yesu wendekele nendi ngwendi, “Nga ngoconi, co vanu vavo vanasamba. 27Oloni kutewa tutanukisa ava vanu, ngecivene, ya ku lishali, ukalovele. Co uje isi ukalovela akulivanga, co omo ukafukula mu kanwa kendi, co ukawanamo mbongo, yambate ukafwete lisimu lya Njuvo ya Shukulu Kalunga nove nange.”

Currently Selected:

Mateo 17: MBB

Highlight

Copy