Mateo 16
16
VaFaliseo valomba cizivukiso
(Mako 8:11-13; Luka 12:54-56)
1 #
Mat 12:38; Luk 11:16 VaFaliseo vamo na vaSanduki #16:1 VASANDUKI: Vanu ava kuvakulaelele ngeci kwakala cisangukilo cavatsi. vezile kuli Yesu nakumweseka, ngecivene, vamulombele linga avalingile cizivukiso cije cimwesa ngeci Njambi namutava. 2Oloni wavakumbulwile ngwendi, “Omo litangwa lilauka mukendeka ngweni, ‘Lelo kunaki mukalavanda, omwo lilu livenga.’ 3Co lalo ku mutondo mukendeka ngweni, ‘Lelo nyonzi ili muyehi nakunyoka, omwo mashelwa anazivuluka.’ Yeni mwasa kuseteka kutonola na ntwima omo mukenga lilu, oloni kumwasa kuzivuka vya visimbu nambe muvinalumbunukila vizivukiso evi.#16:3 KUNUNGULULA KUMO: Majwi a Yesu mu vesi 2 na 3 aimo. 4#Mat 12:39; Luk 11:29 Yeni vanu va muyati wauvi vaka-kujeneka kukulaela! Yeni mwihula lika ngeci njimileke cizivukiso ndi? Embwe! Kuvanga cizivukiso ca Yona lika.” Ngecivene, wavasezele waile.
Musima wa vaFaliseo na vaSanduki
(Mako 8:14-21)
5Omo vandongisi vajavukilile musambwa ku mutambela weka wa lishali, vevalele kwambata makende. 6#Luk 12:1 Yesu wendekele navo ngwendi, “Nyanyameni, co linyungeni ku musima wa vaFaliseo na vaSanduki.”
7Co vashangumukile kulikanangana akati kavo ngwavo, “Alinakwendeka evi omwo kutwambatele makende.”
8Oloni Yesu wazivukile vije vakele nakwendeka, ngecivene, wavehwile ngwendi, “Omwo vikajo mulinakulikanangana akati keni ngweni kumwambatele makende? Yeni vaka-kukulaela kwakundondo! 9#Mat 14:17-21 Kuma naololo kanda muzivuke ndi? Kuma yeni kumwasa kwanuka muje njapazwile mikasha ya makende itanu kuli vaje vanu 5,000 ndi? Mitonga ya vimbazuvwila ingai mwashulisile? 10#Mat 15:34-38 Nambe ije mikasha ya makende itanu na ivali ya vaje vanu 4,000. Co mitonga ingai mwashulisile? 11Omwo vikajo kumwazivisisile ngeci yange kunjendekele neni a mikasha ya makende? Nyanyameni ku musima wa vaFaliseo na vaSanduki!”
12Asinoni vandongisi vazivukile ngwavo kuma kavalekele kunyanyama ku musima wakulinga mikasha ya makende, oloni kunyanyama ku vilongesa vya vaFaliseo na vaSanduki.
Petulu atava ngeci Yesu ikeye Kilistu Wakuvwavesa
(Mako 8:27-30; Luka 9:18-21)
13Omo Yesu waile ku lifuti lya kuyehi na nganda ya Sesaliya Filipu wehwile vandongisi vendi ngwendi, “Vanu valinakutumbula Muna Munu ngwavo ikeye iya?”
14 #
Mat 14:1-2; Mak 6:14-15; Luk 9:7-8 Co vamukumbulwile ngwavo, “Vamo valinakwendeka ngwavo yove Yowano Muka-kumbwitika, veka lalo ngwavo yove Elinja, vakwavo lalo ngwavo yove Njelemiya, nambe yove umo wa vaka-kwimanena.”
15Wavehwile ngwendi, “Yeni oni munjitumbula ngweni yange iya?”
16 #
Yow 6:68-69
Simoni Petulu wamukumbulwile ngwendi, “Yove Wakuvwevesa, Muna Njambi Wakuyoya.”
17Co Yesu wamukumbulwile ngwendi, “Unavezika ove Simoni muna Yona! Omwo vanu kuvacijombolwele kuli yove, oloni kuvanga Tate uje ali mwilu. 18Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana. 19#Mat 18:18; Yow 20:23 Njikakwana masapi a Vumwene vwa mwilu, co nkala cuma ciwukakuta ano asi, na mwilu vakacikuta lalo, co nkala cuma ciwukazitula ano asi, na mwilu vakacizitula lalo.”
20Asinoni Yesu wasin̄ikile vandongisi vendi ngwendi kesi valekeko munu umo ngwavo ikeye Kilistu Wakuvwavesa.
Yesu endeka a tuyando twendi na a kutsa kwendi
(Mako 8:31—9:1; Luka 9:22-27)
21Kutunda a simbu ije, Yesu washangumukile kuleka vandongisi vendi ngwendi, “Njinapande kuya ku Yelusalema, nakuyanda manene ku mavoko a vakulunu, na kuli vakulunu va vaka-kukombelela, na kuli valongisi va majwi a Lishiko. Co vakanjitwala ku kutsa, oloni omo kuneti matangwa atatu njikasanguka.”
22Co Petulu wamutwalele kwavo lika, co wamukandele ngwendi, “Avwe Mwene! Njambi acivindike! Eci kucapandele kulingiwa ali yove embwe!”
23Oloni Yesu watengulukile wendekele na Petulu ngwendi, “Tunda kuli yange ove Satana! Yove unapu u citanukiso mu ngila yange, omwo viyongola vyove vinapu vya vunu, kesi vya Njambi embwe!”
24 #
Mat 10:38; Luk 14:27 Asinoni Yesu wendekele kuli vandongisi vendi ngwendi, “Nga munu ashaka kunjikava, napande kulivyana ikeye vavenya, ambate cilindakano cendi, co anjikavangeye. 25#Mat 10:39; Luk 17:33; Yow 12:25 Omwo munu woshe ashaka kunyunga mwonyo wendi auzimbalesa, oloni munu uje azimbalesa mwonyo wendi omwo lizina lyange akauwana. 26Omwo nga munu afuka kaye koshe, oloni azimbalesa mwonyo wendi vika awanao? Mwa vushunga vene nacimo cai! Nacimo cai munu asa kwingisamo ngeci awane mwonyo wendi. 27#Mat 25:31; Mya 62:12; Lom 2:6 Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi. 28Mwa vushunga njimileka ngwange, kuvali vamo kuno kuvakatsi kuvanga vanamono Muna Munu alinakwija mu vumwene vwendi.”
Currently Selected:
Mateo 16: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
