Yombi 18
18
Mbilendande
1Mbilendande kaShuhe
wakumbulwile ngwendi,
2“Visimbu vingai ukasetela majwi?
Co singanyeka, asinoni tukendeka.
3Vikajo ulinakutuyongwela
kupwa vilema ngwe vingombe?
4Ulinakulivulumuna lika yove vavenya
na vukalu vwove.
Kuma asi akapwa ngundu omwo unaluvala ndi?
Kuma Njambi akatundisa minkinda mukukuvwaelelesa?
5Co ceke ca muka-vuvi cikazima,
co mulangi wa tuhya twendi kuukatu ceke.
6 #
Yom 21:17
Co ndeya ya mu mbalaka yendi ikatsitsivala.
7Manambo endi aje akolele ngo,
oloni ololo apelyangela,
na visinganyeka vya mana endi vikamuwisisa.
8Nakovela a linimbwa,
co mendi endi analizengela-zengelao.
9Vanamutela mweto,
co nganjo ikamushwika.
10Vanamushitikila nganjo,
co vanamutela mweto mu ngila.
11“Vyakujujwisa vikamuzengeleka
nakumuzivisa lyova,
co vikamukava mu manambo endi oshe.
12Ikeye wapwile muka-kufuka,
oloni ololo napu muka-njala,
tuyando tunamuvandamena kuyehi nendi.
13Mushongo wa vutsi washandokela mu muvila wendi,
co unavolesa mavoko endi na mendi endi.
14Co vakamukoka mu mbalaka yendi
muje mwakele nakuyoyela mwamuvwa,
co vakamukokela kuli Mwene Kutsa.
15Co ololo munu woshe nasa kukala mu mbalaka yendi,
co vaketilao Sulufa.#18:15 SULUFA: Sulufa valikwaseseleyo mu simbu ya kunima kupwa cemba, co valikwaseseleyo mukujelesa vinjuvo muje muvaakele mivila ya vanu va kutsa.
16Co mizi yendi yuma, na minango ijujwama.
17Lutsimo lwendi lukahwa ano asi,
co naumo wai akamwanuka lalo.
18Vakamusheka mu lifuti lya vaka-kuyoya,
co vakamutundisa mu ceke
nakumumbila mu lisusulungu.
19Co kakakala na mwana,
nambe mutekulwila akati ka vana vendi,
co naumo wai akasalao aje akele.
20Co kutunda mu ngangela,
na mu kangombe ka yambi,
voshe vakaziva tuyando twendi,
vakaziva kuwazumuka muvila nakujaja na lyova.
21Otu tuketwo tuyando twa vaka-vuvi,
tuyando twa vaje kuvazivuka Njambi.”
The Bible in Mbunda ©The Bible Society of Zambia, 2006