Isaya 61
61
Muzimbu wauvwa wakupatuka
1 #
Mat 11:5; Luk 7:22 Shukulu Kalunga wa Akamwa ya Vyoshe
nanjishulisa na Munzinzime wendi.
Nanjangula nakunjituma
mukutwala muzimbu wauvwa kuli tuutu.
Mukukolesa vaka-vimbunge vyakupokoka.
Mukwambulwila vinzinda kupatuka,
nakupatula vaje vali mu kamenga. #Luk 4:18-19
2 #
Mat 5:4
Nanjitumu mukwambulula ngeci simbu inete
omo Shukulu Kalunga akaamena vanu vendi,
nakufungulula vitozi vavo.
Nanjitumu mukuzembeleka
voshe vaje valinakulila,
3nakwana kuli vaje valinakulila
mu Siyone kuvwaelela nakujolela.
Mwaso wakushangazala ukakalako
kwinga mu mwaso wa vusiwa.
Vakafwa ngwe miti ije yanakunu
vavenya Shukulu Kalunga.
Voshe vakalinga vya vushunga,
co vakashangazala Njambi a vije vyanalingi.
4Vakatungulula vinganda vije vyapwile vingundu.
5Vanu vange, vaka-kwija vakamipangela.
Vakanyunga matanga eni nakulima mahya eni
nakunyunga miti ya vinyu.
6Oloni yeni mukapwa vaka-kukombelela
na vangamba va Shukulu Kalunga Njambi yetu.
Vufuko vwa mafuti vukapwa vweni,
na kulyalesa ngeci vunapu vweni.
7Shwamwa yeni nakushauka kweni vikahwa.
Mukakala mu lifuti lyeni vavenya.
Co vufuko vweni vakavuwezelela luvali,
kujolela kweni kukapwa kwa myaka yoshe.
8Shukulu Kalunga alinakwendeka ngwendi,
“Njazema vushunga,
co njizinda vaka-kuyandesa na muuka.
Njikana cikandelela
vanu vange cakulikumiiya navo,
cikumiiyo ca myaka yoshe.
9Vakatsimana akati ka miyati ya vanu,
munu woshe uje akavamona akavazivuka ngeci
vanapu vanu vaje vanjinavezikisa.”
10 #
Kuj 21:2
Yelusalema ijolela omwo vije
vyanalingi Shukulu Kalunga.
Shukulu Kalunga nafu ngwe shombolwa
nazala vuzalo vwa vushombolwa.
Njambi namwamena nakumuhyanesa.
11Mwa vushunga ngwe vimbuto
vilinakumena nakukola,
Shukulu Kalunga wa Akamwa ya Vyoshe
akaamena vanu vendi,
co miyati ya vanu voshe vakamushangazala.
The Bible in Mbunda ©The Bible Society of Zambia, 2006