Isaya 53
53
1 #
Yow 12:38; Lom 10:16 Vanu vakumbulula ngwavo,
“Iyajo asa kukulaela muzimbu wetu?
Iyajo namono nzili ya Shukulu Kalunga
mu vyuma evi?
2Capwile cizango ca Shukulu Kalunga
ngeci ngamba yendi akole
ngwe kamuti kakandondo kamena
mu livu lyakuma.
Kakele na kasingimiko nambe vuvwa
ngeci tumukenge.
Kakele na seo ngeci tumukomoke,
nacimo cai catulupwisile mbunge
ngeci tukenge kuli ikeye.
3Twamuyengwile nakumuvyana,
wayandele nakuziva kuvavala.
Naumo wai wakengele kuli ikeye,
twamuyeluwisile ngwe kesi na seo.
4 #
Mat 8:17
“Oloni wayandele tuyando
tuje twapandele kupwa twetu,
wazivile kuvavala
kuje kutwapandele kuziva yetu.
Yetu twayongwele ngeci
tuyando twendi twapwile cihiso
cakutunda kuli Njambi.
5 #
1 Pet 2:24
Oloni vamutwile vimbandu
omwo vuvi vwetu,
vamupupile omwo kuvulumuna kwetu.
Yetu tunakanguka
omwo ikeye wambatele cihiso cetu,
yetu vanatupwisa tuvamutunu,
omwo ya vimbandu vije vamutwile.
6 #
1 Pet 2:25
Yetu voshe twapwile ngwe vimanga vakuzimbala,
munu na munu waile mu ngila yendi.
Oloni Shukulu Kalunga wamwanene
cihiso cije capandele kupwa cetu.
7 #
Kuj 5:6
“Vamuyandesele,
oloni wolokele kuluu,
wolokele kuluu ngwe manga
uje vatwala nakumutsiya,
ngwe manga uje oloka kuluu
kuli vaka-kumuteula.
8 #
Vil 8:32-33
Vamukutile nakumusompesa,
co vamutwalele nakumutsiya,
naumo wai walinyengele
a tuyando twendi.
Vamutsiile omwo vuvi vwa vanu vetu.#53:8 VUVI VWA VANU VETU: Nambe, vuvi vwa vanu vange, nambe, vuvi vwa vanu vendi.
9 #
1 Pet 2:22
Vamwakele mu mbumbo amo na vaka-vuvi,
vamutsindile amo na vaka-kufuka,
nameme ngoco kakele na mulonga wai,
nambe kwendeka makuli.”
10Shukulu Kalunga alinakwendeka ngwendi,
“Eci capwile cizango cange ngeci ayande,
kutsa kwendi kwapwile n̄ombelo
yakunena kusambesa.
Ngamba yange akayoya simbu yoshe
nakumona vatekulwila vendi,
co muli ikeye vutumbe vwange
vukaya kulutwe.
11Omo nayoyo mu tuyando,
co akajolela lalo,
ikeye akazivuka ngeci
kayandele ngoco embwe.
Ngamba yange wa kulongwa,
muli ikeye njilinakuvwaelela,
ikeye akambata cihiso ca vanu vavangi,
omwo njikavasambesela ali ikeye.
12 #
Mak 15:28; Luk 22:37 Ngecivene, njikamwana
mutambela wa kasingimiko,
akati ka vanu va vulemu na nzili.
Watavele kwana mwonyo wendi
nakumulavela amo mu luvinda lwa vaka-vuvi.
Vanu vamuyongwele ngwavo muka-vuvi,
oloni wayandele omwo vuvi vwavo,
co walombelele kuli Njambi
ngeci Njambi avasambese.”
The Bible in Mbunda ©The Bible Society of Zambia, 2006