Isaya 52
52
Njambi akapatula Yelusalema
1 #
Kuj 21:2,27 Yelusalema kala na nzili na vukama lalo!
Nganda yakujela ya Njambi,
zala vuzalo vwove vwavuvwa!
Vaka- kulemesa Shukulu Kalunga
vaje vasiwile nganda yove yakujela,
kuvakakovelamo lalo mu nganda.
2Yelusalema, katuka mu likungu!
Litotomone likungu,
tumbama a litanda lyove!
Yeni vinzinda va Siyone
lizituleni malyenge aje anamikutu!
3Shukulu Kalunga wa Akamwa ya Vyoshe alinakwendeka kuli vanu vendi ngwendi, “Omo mwapwile vinzinda, kuvamilandesele na vimbongo, co mu ngila eyi vene kuvakamipatula na vimbongo. 4Omo mwaile mu Ingito nakukakalamo ngwe vangenzi, mwalingile cizango ceni, nameme ngoco, vaAsilya vamisindiiye kumitwala mu vunzinda kufweta cuma cimo. 5#Lom 2:24 Ngecivene, ololo cuma cimo lalo cinasholoka mu Mbambilone, munapu mu vinzinda, co nacimo cai vamilandele naco. Co vaje vamishwanene vatambekele, co vashawile lizina lyange. 6Omo simbu yeta mukazivuka ngeci yange njapwa Njambi uje nendeka kuli yeni.”
7 #
Nah 1:15; Lom 10:15; Efe 6:15 Cinapu cuma cacivwa a minkinda
kumona muluwa aija anena vin̄anda vyavivwa,
vin̄anda vya kwoloka!
Ambulula vyakuhyana
nakwendeka kuli Siyone ngwendi,
“Njambi yove ololo napu Mwene!”
8Vaje vanyunga nganda valinakutambeka,
valinakwimba nakujolela.
Valinakumona na mesho avo vavenya,
kwiluka kwa Shukulu Kalunga ku Siyone.
9Yeni vingundu vya Yelusalema,
shangumukeni kwimba myaso yakujolela!
Shukulu Kalunga napatula Yelusalema nganda yendi
nakuzembeleka vanu vendi.
10Shukulu Kalunga akapangesa nzili yendi yakama
mukwamena vanu vendi,
co vaka-kaye voshe vakamona kwamena kwa Njambi yetu.
11 #
2 Koli 6:17
Tundeni mu Mbambilone,
yeni voshe vaka-kwambata vivala
vya mu Njuvo ya Shukulu Kalunga.
Kesi mukwate cuma cakujwala,
lijeleseni ngeci muye.
12A simbu eyi kumukayi lumbisi
nambe kuvomboloka embwe.
Omwo Shukulu Kalunga Njambi yeni
ikeye akamitwamenena,
co akaminyunga ku mitambela yoshe.
Ngamba wakuyanda
13Shukulu Kalunga alinakwendeka ngwendi,
“Kenga, ngamba yange akavezika
mu vipangi vyendi, akapwa wakama,
co vanu vakamusingimika manene.
14Vanu vavangi vakasamene omo vamumwene,
wapwile ngwe liinga-nyambi akumukenga,
kapwile ngwe munu.
15 #
Lom 15:21
Oloni miyati ya vanu vavangi vakamukomoka,
co vimyene kuvakasa kwendeka,
vakalikomokela lika.
Vakamona nakuzivisisa
cuma cije kuvazivukile akulivanga.”
The Bible in Mbunda ©The Bible Society of Zambia, 2006