Isaya 15
15
Njambi akanyongesa Mowavi
1 #
Isa 25:10-12; Njele 48:1-47; Ezek 25:8-11; Amo 2:1-3; Zef 2:8-11 Awa akewo majwi aa lifuti lya Mowavi.
Vinganda vya Ale na Kile vikanyonga vutsiki vumo, co kwoloka kukakala mu lifuti lya Mowavi mwoshe. 2Vanu va ku Ndimboni vanalamata a lilundu kukalilila ku tuzangu twavo. Vanu va ku Mowavi valilila vinganda vya Nembo na Mendeva, vanateula mitwe yavo na minjezi yavo mukumwesa kuviilila kwavo. 3Co vanu vakenda mu vitapalo oku vanazala vikeleya, mushandangala yangoco na akamwa ya vinjuvo vyavo,#15:3 AKAMWA YA VINJUVO VYAVO: Vanu vakele mu mitambela ije, vinjuvo vyavo vyakele na viluli vyakusivama aje vanu vasele kukala. vanu valinakulila na kusikoka. 4Vanu va ku Heshevone na ava va ku Eleale vakalila, co kulila kwavo vakaciziva kulyala ku Njahaze. Nameme mashwalale va Mowavi vakatambeka nakulila oku valijajela. 5Mbunge yange ilinakulinyenga a Mowavi! Vanu vamwo vanatewela ku membo a Zowale, na ku Engelate Shelishiya. Vamo vanalamata ku tapalo ya ku Luhite, valinakulila oku vaya, vamo vanakavanda ku Holonaime, nakulila manene. 6Muna ndonga Nimelime nomu cau, mwila wamwo wajujwama, kukwesi wakuzivuluka unasalamo wai. 7Vanu va ku Mowavi valinakujavuka muna ndonga wa vikalavanzi kutewesa vufuko vwavo. 8Ku vinginga vyoshe vya Mowavi valinakuziva mutambi wakulila. Valinakuuziva mu vinganda vya ku Engelaime na ku Mbelelime. 9Ku nganda ya ku Ndimone ndonga inavenge na maninga, oloni Njambi akanena vukalu vwakama ali Ndimone. Eyo, kukakala kunyongesa kwakama mu Mowavi.
The Bible in Mbunda ©The Bible Society of Zambia, 2006