Isaya 11
11
Vumwene vwa kwoloka
1 #
Kuj 5:5; 22:16 Cikota ca vumwene vwa Ndaviti cinalifu ngwe muti wakushinja, oloni minango yaiha ijovelela ku cimbundi, ngecivene, mwene wamuhwa akatunda akati ka vatekulwila va Ndaviti.#11:1 VATEKULWILA VA NDAVITI: Nambe, vatekulwila va Njesi. Njesi wapwile ishe ya Mwene Ndaviti.
2Munzinzime wa Shukulu Kalunga ukamwana mana,
nakuzivuka na kulongwa mukushwana vanu vendi.
Ikeye akazivuka cizango ca Shukulu Kalunga
co akamusingimika,
3co akajolela akusingimika Shukulu Kalunga.
Mwene ou kakasompo a cifwa ca munu,
nambe vyakuziva lika embwe,
4 #
2 Tes 2:8
akasompela tuutu mwamuvwa,
akaakwila mwa vushunga vaka-.
Akahisa vanu na lijwi lya mu kanwa kendi,
co akatsiya vaka-vuvi na muku wa mu kanwa kendi.
5 #
Efe 6:14
Akashwana vanu vendi mu vushunga na mu kulongwa.
6 #
Isa 65:25
Tungunga na vana va vimanga
vakakala amolika mu kwoloka,
na viingwe vakavutama amolika
na vana va vimembe.
Vana va vingombe na vana va vindumba
vakalila amolika,
co vanike vavandondo
vakapwa tunyungi twavo.
7Vingombe va lwavo na vambeya,#11:7 VAMBEYA: Tusitu vakama va nzili manene vakufwa ngwe vindumba.
vakalya amolika,
co vana vavo na vana va vindumba
vakavutama mu kwoloka.
Vindumba vakalya vishati
ngwe muvakavili vingombe.
8Nameme mbututu nga ehela muyehi
na linyoka wa vushungu kakavulumuka.
9 #
Hamba 2:14
A Siyone, lilundu lya Njambi lyakujela,
kwaakakala cuma cimo cakukuvulumuna nambe vuvi.
Lifuti likashula na mana akuzivuka Shukulu Kalunga
ngwe mema a kalunga mwakajalela.
Vanu vaje vakele mu vundungo vakeluka
10 #
Lom 15:12
Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko. 11Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga. 12Shukulu Kalunga akanena cimweso ku miyati, co akakungulwila lalo amo vanu va Isalele na vanu va Yunda vaje valishandokelele mu vimbango viwana vya ano asi. 13Vumwene vwa Isalele kuvukazivila lalo Yunda lifuwa, co Yunda kuyikapu lalo citozi ca Isalele. 14Co voshe amo vakalwisa vaFilisitiya vaje vakala ku mutambela wa mu kangombe ka yambi, co vakapukula vufuko vwa vanu vaje vakala mu ngangela. Vakafungulula vanu va ku Endome, na Mowavi, co vaAmoni vakavononoka. 15#Kuj 16:12 Shukulu Kalunga akomisa Linema lya Suwezi, co akasana lihunzi lya ntwima kumisa cau Ndonga ya Yufuleti, kukasala lika vana va vindonga vatanu na vavali, ngecivene, munu woshe akasa kujavuka. 16Co kukakala tapalo ya vanu vendi vaIsalele vaje vanasalao yakutunda ku Asilya, ngwe muje muyapwile tapalo ya vakukulwila vavo omo vatundile mu Ingito.
The Bible in Mbunda ©The Bible Society of Zambia, 2006